ماب لنچنگ جیسے معاملے پر پارلیمنٹ میں سرکار پر جم کر برسے عمران مسعود، خطیب محمد اقبال نے کی عمران مسعود کی پذیرائی۔

یوپی کے سہارنپور کے دو نوجوانوں کو 7 جون کو چھتیس گڑھ کے رائے پور میں موب لنچنگ میں قتل کر دیا گیا تھا، جب کہ تیسرا نوجوان شدید زخمی ہے اور اس کا اسپتال میں علاج چل رہا ہے۔ سہارنپور سے کانگریس کے رکن پارلیمنٹ عمران مسعود نے پارلیمنٹ میں صدر کے خطاب پر بحث کے دوران آیوشمان اسکیم، موب لنچنگ اور خاص طور پر صحت کے شعبے کے معاملے پر مرکزی حکومت کی کھل کر تنقید کی۔

حال ہی میں، چھتیس گڑھ کے رائے پور میں سہارنپور کے تین نوجوانوں کی ہجومی تشدد کا واقعہ پیش آیا، جس کے بارے میں کانگریس کے رکن پارلیمنٹ نے پارلیمنٹ کے اندر اس کا ذکر کیا اور ایوان میں خوب برسے۔ انہوں نے علی گڑھ، فیروز آباد اور آگرہ میں ایسے واقعات کا ذکر کیا اور حکومت پر سخت حملہ کیا۔ انہوں نے آیوشمان اسکیم کا ذکر کرتے ہوئے حکومت پر حملہ بھی کیا۔

کانگریس ایم پی عمران مسعود نے کہا کہ ملک میں سخت قوانین بنائے جا رہے ہیں، لیکن ہجوم قابو سے باہر ہو کر لوگوں کو مارتا ہے۔ کانگریس کے ایم پی عمران مسعود نے کہا کہ چھتیس گڑھ میں سہارنپور کے تین نوجوانوں کو موب لنچنگ کے نام پر قتل کیا گیا۔ یوپی کے علی گڑھ میں بھی موب لنچنگ کا معاملہ سامنے آیا۔ آگرہ میں پولیس کی ہراسانی سے تنگ آکر دو افراد نے خودکشی کرلی۔ فیروز آباد قتل عام کا ذکر کرتے ہوئے انہوں نے کہا کہ فیروز آباد میں ایک قیدی پولیس کی حراست میں مارا گیا تھا۔ کانگریس لیڈر نے کہا کہ محض قانون کو سخت کرنے سے کام نہیں چلے گا، بلکہ اسے نافذ کرنے سے کام چلے گا۔ 

اس سلسلے میں آگرہ کے مشہور رہنما اور خطیب محمد اقبال نے سہارنپور کے نوجوان عمران مسعود صاحب کو مبارک باد پیش کرتا ہوں ، کل جس طرح انھوں نے پارلیمٹ میں زور دار طریقہ سے اپنی بات رکھی ہے وہ قابل تعریف ہے ، انھوں نے زبردست طریقے سے وہ باتیں جن سے مسلمان سماج اس وقت جوجھ رہا ہے خاص طور پر ماب لینچینگ کا ذکر کیا بغیر کسی ڈر خوف سے یہ تمام باتیں ایوان میں بتائیں ، اپنے علاقے کے ساتھ ساتھ انھوں نے دوسری جگہوں کا بھی ذکر کیا ، انھوں نے آگرہ کابھی ذکر کیا میں خاص طور پر ان کا شکریہ ادا کرتا ہوں۔

سمیر چودھری۔