ضمنی الیکشن کے دوران یو‌پی میں پولیس پر ووٹرس کو خوفزدہ اور ہراساں کرنے کے الزامات، مظفر نگر کے میراں پور اور مرادآباد کے کندرکی کا ویڈیو سو شل میڈیا پر وائرل، کئی پولیس اہلکاروں کو معطل کرنے کا حکم۔

مہاراشٹر اور جھارکھنڈ کے ساتھ ساتھ یوپی کی 9 اسمبلی سیٹوں پر بھی ووٹنگ مکمل ہوگئی ہے۔ کرہل، کندرکی، سیسماؤ، کٹہری، غازی آباد، کھیر، ماجھوان، میراپور، پھول پور یوپی کی وہ نو سیٹیں ہیں جہاں ضمنی انتخابات ہو رہے ہیں۔ اس ووٹنگ کو وزیر اعلیٰ یوگی آدتیہ ناتھ اور ایس پی سربراہ اکھلیش یادو کے لیے ایک دوسرے سے ٹکراؤ کے طور پر دیکھا جا رہا ہے۔ ووٹنگ کو لے کر تناؤ بھی دیکھا گیا

میرانپور سیٹ پرووٹنگ کے دوران ایک ویڈیو سامنے آئی ہے جس میں میرانپور کے ایس ایچ او پر الزام ہے کہ وہ ووٹروں کو ریوالور سے دھمکاتے ہوئے نظر آ رہے ہیں۔ اس واقعے پر ردعمل ظاہر کرتے ہوئے سماج وادی پارٹی کے صدر اور قنوج کے رکن پارلیمنٹ اکھلیش یادو نے الیکشن کمیشن سے فوری طور پر میرانپور کے ککرولی تھانہ کے ایس ایچ او کو معطل کرنے کا مطالبہ کیا۔ انہوں نے کہا کہ ایس ایچ او ووٹرز کو دھمکانے کی کوشش کر رہے ہیں اور ان کا یہ عمل انتخابات کی سالمیت کو متاثر کر رہا ہے۔اس سے پہلے، اکھلیش یادو نے ایکس پر ایک اور پوسٹ بھی کی تھی جس میں انہوں نے کہا کہ اِبراہیم پور میں ایس ایچ او نے خواتین کے ساتھ بدسلوکی کی اور انہیں ووٹ ڈالنے سے روکنے کے لیے نازیبا زبان کا استعمال کیا۔ اس پر بھی ان کے خلاف فوری معطلی کی کارروائی کی جانی چاہیے۔

وہیں سماجوادی پارٹی کی رکنِ پارلیمان ڈمپل یادو نے ضمنی انتخابات کے دوران بی جے پی پر سخت تنقید کرتے ہوئے کہا کہ جہاں بھی ضمنی انتخابات ہو رہے ہیں، وہاں حکومت اور انتظامیہ بی جے پی کے ایجنٹ کے طور پر کام کر رہے ہیں۔ ان کا کہنا تھا کہ بی جے پی کی غنڈہ گردی عروج پر ہے، اور ان کی پارٹی کے کارکنان اور بوتھ صدر مسلسل ان واقعات کی رپورٹ کر رہے ہیں۔ ڈمپل یادو نے کہا، ’’یہ ایک جمہوری ملک ہے، اور اگر ووٹروں کو ان کا حقِ رائے دہی استعمال کرنے سے روکا جا رہا ہے تو یہ انتہائی تشویشناک بات ہے۔ بی جے پی کو یہ بات سمجھنی ہوگی کہ اس کا وقت ختم ہو چکا ہے۔‘‘ سماجوادی پارٹی نے ان الزامات پر سخت ردعمل ظاہر کرتے ہوئے انتخابی عمل میں شفافیت کا مطالبہ کیا ہے۔اس ہر الیکشن کمیشن نے کارروائی کرتے ہوئے سات پولیس اہلکاروں کی معطلی کا حکم دیا . قابل ذکر ہے کہ زیادہ تر ہنگامہ آرائی یا کشیدگی کی خبریں اتر پردیش میں ان سیٹوں سے آئی ہیں جن پر مسلم ووٹروں کا غلبہ ہے۔ مظفر نگر کے میراپور میں ہنگامہ مچ گیا ہے۔ پولنگ سٹیشنوں پر زیادہ ہجوم کے باعث پولیس کو ایکشن لینا پڑا۔ مرادآباد کے کندرکی سے ایک ویڈیو سامنے آیا ہے۔ جہاں لوگوں نے پولیس کی رکاوٹوں کے خلاف احتجاج کیا۔مسلم ووٹروں کا الزام ہے کہ زبردستی رکاوٹیں کھڑی کرکے ووٹ ڈالنے سے روکا گیا۔ وہیں مین پوری کے کرہل میں ایک لڑکی کے قتل پر ہنگامہ برپا ہے، الزام لگایا جا رہا ہے کہ قتل سماج وادی پارٹی کو ووٹ نہ دینے پر کیا گیا، پولس ان الزامات کی جانچ کر رہی ہے۔ 

الیکشن کمیشن حرکت میں، کئی پولیس اہلکاروں کی 

معطلی۔

اتر پردیش میں جگہ جگہ اقلیتی طبقہ کو ہراساں کرنے اور ووٹ نہ ڈالنے دینے کی شکایات آرہی ہیں ہیں، سوشل میڈیا پر ویڈیوز وائرل ہورہے ہیں جن میں دیکھا جاسکتا ہے کہ پولیس والے ووٹر آئی ڈی چیک کررہے ہیں اور رائے دہندگان کو پریشان کیا جارہا ہے ـکئی جگہ ووٹروں کو لوٹادیا گیا اور ووٹ نہیں دینے دیا گیا ـجبکہ الیکشن کمیشن کا صاف حکم ہے کہ پولیس کسی کا آئی ڈی چیک نہیں کرسکتی دریں اثنا۔ جاری ضمنی انتخابات کے درمیان اکھلیش نے پریس کانفرنس کرکے بی جے پی کو نشانہ بنایا ہے۔ انہوں نے کہا کہ بی جے پی شکست سے خوفزدہ ہے۔ اکھلیش نے کہا کہ بی جے پی کے وہ لوگ ہیں جو خود گڑبڑ کر رہے ہیں۔ اکھلیش نے کہا کہ مجھے امید ہے کہ الیکشن کمیشن بے ایمان اہلکاروں کے خلاف کارروائی کرے گا۔ اکھلیش نے کہا ہے کہ انہوں نے اپنے کارکنوں سے بے قاعدگیوں کی ویڈیو بنانے کو کہا ہے۔ سماج وادی پارٹی یہ الیکشن ضرور جیتے گی لیکن اگر یہ معاملہ عدالت میں جاتا ہے تو اس ثبوت کی بنیاد پر ایسے افسران مجرم ثابت ہوں گے۔ اکھلیش نے کہا ہے کہ ایسا کرنے والے افسر کی نوکری، تنخواہ، پنشن، پی ایف اور عزت ختم ہو جائے گی۔ اکھلیش یادو نے کہا کہ بی جے پی یہ ضمنی انتخاب ووٹوں سے نہیں بلکہ غلطی سے جیتنا چاہتی ہے۔ شکست کے خوف سے بی جے پی انتظامیہ پر بے ایمان ہونے کا دباؤ ڈال رہی ہے۔ بی جے پی انتظامیہ پر دباؤ ڈال رہی ہے کہ بی جے پی عہدیداروں کو بے ایمان ہونا چاہئے۔ میں ووٹرز سے اپیل کرتا ہوں کہ وہ ثابت قدم رہیں اور آئیں اور اپنا ووٹ کاسٹ کریں۔ اکھلیش یادو نے کہا کہ الیکشن کمیشن نے ہدایات دی ہیں کہ پولیس کہیں بھی آئی ڈی چیک نہیں کر سکتی۔ انتظامیہ سماج وادی پارٹی کے ووٹروں کو ووٹ ڈالنے کی اجازت نہیں دے رہی ہے۔ 

کئی پولیس اہلکاروں کو معطل کرنے کا حکم

ذرائع کے مطابق، الیکشن کمیشن نے ووٹروں کی جانچ پڑتال اور انہیں ووٹ ڈالنے سے روکنے کے حوالے سے ہدایات کی خلاف ورزی کرنے پر کچھ پولیس اہلکاروں کو معطل کرنے کا حکم دیا ہے۔ چیف الیکشن کمشنر (سی ای سی) راجیو کمار نے یوپی کے انتخابی عہدیداروں کو ہدایت دی کہ وہ ووٹنگ کے منصفانہ اور ہموار عمل کو یقینی بنائیں۔ الیکشن کمیشن بھی الرٹ ہو گیا ہے اور اب اس کی طرف سے یقین دہانی مل رہی ہے کہ جن لوگوں کو ووٹ ڈالنے سے روکا گیا ہے وہ ایک بار پھر جا کر ووٹ ڈالیں۔ اب کسی قسم کی گڑبڑ کی اجازت نہیں دی جائے گی۔

سمیر چودھری۔