جاننے اور ماننے کے ساتھ عملی نمونہ پیش کرنا ہوگا: محمد اقبال۔

آگرہ: مسجد نہر والی کے خطیب محمد اقبال نے آج اپنے خطبہ جمعہ میں نمازیوں کو بتایا کہ اس کائنات میں کون سب سے بڑا ہے ، انھوں نے کہا کہ جب مؤذن بلند آواز سے پکارتا ہے “ اللہ اکبر “ یعنی اللہ سب سے بڑا ہے ، ایک دن میں اذان اور نماز ملا کر پانچوں نمازوں کے وقت اللہ اکبر کا یہ کلمہ روزانہ تقریباً تین سو مرتبہ کہا جاتا ہے اور اسی طرح پوری دنیا میں یہ عمل دہرایا جاتا ہے ، یہ ہی اس کائنات کی سب سے بڑی سچائی ہے ، جس کو ہم سب مانتے بھی ہیں اور یہ ایک حقیت ہے اس پر ہمارا ایمان بھی ہے ، پھر کیا وجہ ہے کہ مسلم قوم کی اکثریت اس کو “ پریکٹیکل “ میں پروف نہیں کرپاتی، کعبہ کے رب کی قسم ہے اگر قوم اس کو پریکٹیکل میں پروف کرے، تو ہماری مسجدیں آباد ہو جائیں اور ہر نماز میں نماز جمعہ کا نظارہ دیکھنے کو ملے اور نماز جمعہ تو عید کی نماز لگے ، کیا آپ کو یہ سب سن کر اچھا لگا ؟ تو پھر کس کا انتظار کر رہے ہیں ؟ دن میں پانچ مرتبہ آپ کو دعوت نامہ دیا جا رہا ہے، اور ہم نے اپنے دونوں کان خود اپنے ہاتھوں سے بند کر رکھے ہیں ، سننے اور جاننے کے باوجود ہم انجان بنے ہوے ہیں، وہ وقت کبھی بھی آسکتا ہے جب لوگ “ ہماری نماز “ پڑھ رہے ہونگے ، جس کی نہ اذان ہوگی اور نہ اقامت ، یہ بھی دنیا کی وہ حقیقت ہے کہ ہم سب اس کو بھی جانتے ہیں ، لیکن صرف جاننے سے مسئلہ حل نہیں ہو رہا ہے ، ہم کو جاننے اور ماننے کے ساتھ اس کا پروف بھی دینا ہوگا ، اگر ہم ایسا نہیں کرتے تو پھر خود کو “ منافق “ لکھ کر رکھ لیں ، ابھی وقت ہے “ جاگ “ جائیں اور آج سے ہی اس پر اپنا قدم بڑھائیں ، اللہ کی مدد بھی شامل ہو جاے گی ان شاءاللہ ، اللہ ہمیں اس پر ثابت قدم رکھے، آمین۔