اتر پردیش انتخابات سے قبل ملائم سنگھ یادو کی آر ایس ایس سربراہ موہن بھاگوت کے ساتھ تصویر بنی بحث کا موضوع۔
نئی دہلی:اترپردیش اسمبلی انتخابات سے عین قبل آر ایس ایس کے سربراہ موہن بھاگوت اور سماج وادی پارٹی کے سرپرست اور سابق وزیر اعلیٰ ملائم سنگھ یادو کی ایک تصویر سامنے آئی ہے جس کے سیاسی چرچے ہیں۔ریاستی انتخابات سے قبل اس تصویر کو لے کر بحثوں کا بازار گرم ہے۔
یوں تو سیاسی شخصیات کا غیر رسمی طور پر ملنا ایک عام سی بات ہے لیکن آر ایس ایس اور ملائم سنگھ یادو کو مختلف نظریات کے نقطہ نظر سے دیکھا جاتا ہے، یہی وجہ ہے کہ ملائم سنگھ کی وزیر اعظم مودی یا آر ایس ایس کے سربراہ موہن بھاگوت کے ساتھ تصویر کے بعد ایک نئی بحث کا سلسلہ شروع ہو جاتا ہے۔
تازہ ترین واقعہ نائب صدر وینکیا نائیڈو کی پوتی کی شادی کی تقریب میں دیکھا گیا۔ آر ایس ایس کے سربراہ موہن بھاگوت اور ایس پی سپریمو ملائم سنگھ یادو کو نائب صدر وینکیا نائیڈو کے گھر پر شادی کی استقبالیہ تقریب میں ایک ہی صوفے پر ایک ساتھ بیٹھے دیکھا گیا۔ دونوں کے درمیان بات چیت بھی ہوئی۔ شادی کی تقریب میں ان کی ملاقات کو عام ملاقات سمجھا جا سکتا ہے لیکن دونوں مختلف نظریات سے تعلق رکھنے والی ان شخصیات کی اس ملاقات کے بارے میں کافی چرچا ہے۔
اس تصویر کو مرکزی وزیر ارجن میگھوال نے ٹویٹ کیا ہے۔ آج ان کی سالگرہ ہے اور وہ سنگھ سربراہ سے آشیرواد لے رہے ہیں۔ درحقیقت صدر رام ناتھ کووند، وزیر اعظم نریندر مودی اور ملک کے چیف جسٹس این وی رمنا بھی نائب صدر وینکیا نائیڈو کی پوتی کی شادی کی تقریب میں پہنچے۔ نائب صدر جمہوریہ کی رہائش گاہ پر استقبالیہ کا انعقاد کیا گیا۔ یہ استقبالیہ نائیڈو اور ان کی اہلیہ اوشا نائیڈو نے اپنی پوتی نہاریکا کی شادی کے موقع پر دیا تھا۔
2017 میں بھی ملائم سنگھ یادو اور اکھلیش یادو کی وزیر اعظم نریندر مودی اور وزیر داخلہ امت شاہ کے ساتھ ایک تصویر وائرل ہونے کے بعد اس نے کافی سرخیاں حاصل کی تھی۔
آپ کو بتاتے چلیں کہ اتر پردیش میں سیاسی پارا گرم ہے، جہاں ملائم سنگھ کے بیٹے اور سابق وزیر اعلیٰ اکھلیش یادو بی جے پی کے خلاف محاذ کھول رہے ہیں، وہیں حکمراں بی جے پی بھی اکھلیش یادو اور ان کی پچھلی حکومت کو مسلسل نشانہ بنا رہی ہے، ایسے میں اس تصویر کے منظر عام پر آنے کے بعد ایک نئی بحث شروع ہو گئی۔
ڈی ٹی نیٹ ورک
0 Comments