Latest News

غیر قانونی ہتھیار بنانے والی فیکٹری کا پردہ فاش، الیکشن سے قبل سہارنپور پولیس کو ملی بڑی کامیابی۔

غیر قانونی ہتھیار بنانے والی فیکٹری کا پردہ فاش، الیکشن سے قبل سہارنپور پولیس کو ملی بڑی کامیابی۔
سہارنپور:(سمیر چودھری)
یوپی اسمبلی انتخابات سے قبل سہارنپور پولیس کو آج اس وقت بڑی کامیابی ملی ہے جب پولیس نے غیر قانونی طریقہ سے بنائے جارہے ہتھیاروں کی فیکٹری کا پردہ فاش کیا اور غیر قانونی ہتھیاروں کا ذخیرہ برآمد کرتے ہوئے دو شاطر بدمعاشوں کو گرفتار کیا ہے جبکہ ان کا ایک ساتھی فرار ہونے میں کامیاب ہوگیا۔ الیکشن کمیشن نے انتخابات کو پرامن طریقے سے کرانے کے لیے سخت ہدایات دی ہیں، اسی کڑی میں آج سہارنپور کی تھانہ قطب شیر پولیس نے سہارنپور کی ایکتا کالونی میں چلنے والی غیر قانونی ہتھیار بنانے کی فیکٹری کا پردہ فاش کیا ۔ اسلحہ فیکٹری سے بھاری مقدار میں غیر قانونی اسلحہ اور کارتوس برآمد کئے گئے ہیں، پولیس نے موقع سے غیر قانونی اسلحہ بنانے والے دو ٹاپ 10 بدمعاشوں کو بھی گرفتار کر لیا، جبکہ ایک ملزم فرار ہوگیا،جس کی گرفتاری کے لیے کوششیں جاری ہیں۔ ایس پی سٹی راجیش کمار نے پریس کانفرنس میں معلومات دیتے ہوئے بتایا کہ دونوں گرفتار ملزمان ساجد ولد اکرام ساکن موچیو والی محلہ ڈھولی کھال سہارنپور،آصف ولد حنیف ساکن ڈھولی کھال سہارنپو ر کو گرفتار کیاگیا ہے جو شاطر قسم کے مجرم ہیں اور ضلع کے ٹاپ ٹین بدمعاشوں کی فہرست میں ان کا نام شام ہے، جن کے خلاف دو درجن سے زائد مقدمات درج ہیں۔ دونوں گرفتار ملزمان کو گرفتار کرنے والی ٹیم کے لیے 25 ہزار روپے کے انعام کا اعلان کیا گیا ہے۔انہوںنے بتایاکہ ایک ملزم ٹیپو ولد شمیم ساکن ڈھولی سہارنپور فرار ہوگیا ہے ،جس کی تلاش میں پولیس لگی ہوئی ہے۔ پولیس نے ملزموں سے 11 ہتھیار مکمل اور 15 ناقص ہتھیار کے ساتھ کارتوس برآمد کئے ہیں ۔ ملزمان کے خلاف مقدمہ قائم کرکے آگے کی قانونی کاررائی عمل میں لائی جارہی ہے۔

Post a Comment

0 Comments

خاص خبر