Latest News

پاکستان: عمران خان کانیا ماسٹر اسٹروک، اپنے من پسند گلزار احمد کو بنایا کارگزار وزیر اعظم۔

پاکستان: عمران خان کانیا ماسٹر اسٹروک، اپنے من پسند گلزار احمد کو بنایا کارگزار وزیر اعظم۔
اسلام آباد: سیاسی بحران کا سامنا کرنے والے پاکستان کے رہنما عمران خان نے پیر کو سابق چیف جسٹس گلزار احمد کو پاکستان کا کارگزاروزیر اعظم نامزد کر دیا۔ پاکستان میں نگراں وزیراعظم بننے تک عمران خان اپنے عہدے پربنے رہیں گے۔ صدر مملکت عارف علوی نے نوٹیفکیشن جاری کر دیا ہے۔ پاکستانی اخبار ڈان کے مطابق صدر نے وزیراعظم خان اور تحلیل شدہ پارلیمنٹ میں قائد حزب اختلاف شہباز شریف کو خط لکھا ہے جس میں ناموں کی تجاویز مانگی ہیں۔
اس خط میں کہا گیا ہے کہ اتوار کو قومی پارلیمنٹ اور مرکزی کابینہ کو آئین کے مطابق تحلیل کر دیا گیا تھا۔ جناب علوی نے ان سے کہا کہ اگر وہ پارلیمنٹ کی تحلیل کے تین دن کے اندر تقرری پر راضی نہیں ہوئے تو وہ دونوں طرف سے دو دو نامزدگیاں اسپیکر کی طرف سے قائم کردہ کمیٹی کو بھیجیں گے جس میں موجودہ قومی پارلیمنٹ یاسینیٹ کے آٹھ اراکین ہوں گے ۔ اس میں برسراقتداراور حزب اختلاف دونوں طرف سے یکساں تعداد میں لوگ ہوں گے۔
پاکستان کے صدر عارف علوی نے وزیراعظم عمران خان کی سفارش پر قومی اسمبلی (این اے) تحلیل کر دی۔ گدشتہ اتوارکو قومی اسمبلی کے ڈپٹی سپیکر قاسم سوری نے وزیراعظم کے خلاف تحریک عدم اعتماد مسترد کر دی تھی۔
پاکستان کے چیف جسٹس عمر عطا بندیال نے پیر کے روز کہا کہ ملک کی موجودہ سیاسی صورتحال کی قانونی حیثیت پر ایک ’’متعلقہ حکم‘‘پاس کیا جائے گا۔ سپریم کورٹ میں وزیراعظم عمران خان کے خلاف قومی اسمبلی میں تحریک عدم اعتماد کی برطرفی اور خان کی سفارش پر ایوان کو تحلیل کرنے کی صدر کی منظوری کے معاملے کی سماعت جاری ہے۔ جسٹس بندیال کے ریمارکس جسٹس اعجاز الاحسن، جسٹس مظہر عالم خان میاں خیل، جسٹس منیب اختر اور جسٹس جمال خان مندوخیل پر مشتمل لارجر بینچ نے کیس کی سماعت شروع کرنے کے بعد دئیے۔

Post a Comment

0 Comments

خاص خبر