جہانگیر پوری میں ایم سی ڈی کی جانبداری، مسجد کے علاقے میں چلا بلڈوزر- مندر احاطہ محفوظ۔

جہانگیر پوری میں ایم سی ڈی کی جانبداری، مسجد کے علاقے میں چلا بلڈوزر- مندر احاطہ محفوظ۔

 نئی دہلی: دہلی کے جہانگیر پوری میں ایم سی ڈی نے سپریم کورٹ کے احکامات کی خلاف ورزی کی۔ سپریم کورٹ کی جانب سے بلڈوزر کارروائی پر پابندی کے باوجود غیر قانونی تعمیرات گرادی گئیں۔ اس دوران ایم سی ڈی کی طرف سے جانبداری دیکھی گئی۔

الزام ہے کہ کارپوریشن کی ٹیم نے جہانگیر پوری میں واقع مسجد کے سامنے غیر قانونی تعمیر کو توڑا، لیکن جیسے ہی پولیس مندر کے سامنے غیر قانونی تعمیرات کو ہٹانے پہنچی تو موقع پر بھیڑ جمع ہوگئی۔ جس کے بعد بلڈوزر کو پیچھے ہٹنا پڑا۔ اس سے ظاہر ہوتا ہے کہ مندر کو منہدم کرنے کا ڈرامہ کیا گیا تھا۔

کارپوریشن نے مسجد کا گیٹ توڑ دیا، گیٹ سے ملحقہ دیواریں ٹوٹ گئیں۔ اس کے ساتھ وہاں موجود ایک موبائل شاپ پر بلڈوزر بھی چلا دیا گیا۔ لیکن مسجد کے ارد گرد واقع مندر پر غیر قانونی تعمیرات کے خلاف کوئی کارروائی نہیں کی گئی۔

ایم سی ڈی اسی جہانگیر پوری علاقے میں واقع مندر کے باہر غیر قانونی تعمیرات کو منہدم کرنے میں ہچکچاہٹ کا مظاہرہ کر رہی تھی۔ ایم سی ڈی کی انسداد تجاوزات کی کارروائی کے دوران علاقے میں مندر کے ارد گرد بنی دکانوں کو ہاتھ تک نہیں لگایا گیا۔ جبکہ اس سے قبل مسجد کے قریب بنائی گئی دکانوں میں توڑ پھوڑ کی گئی۔

جہانگیرپوری میں ایم سی ڈی کی بلڈوزر کی کارروائی کے دوران جب مشتعل لوگوں نے متعصبانہ رویہ کا معاملہ اٹھایا اور سوال کیا کہ جب مسجد کے قریب دکانوں میں توڑ پھوڑ کی گئی اور مندر کے قریب بنی دکانوں کو کیوں چھوڑا جا رہا ہے، تو پولیس نے وہاں سے لوگوں کو ہٹا دیا۔