سابق ایم ایل سی حاجی اقبال کے خلاف حکومت کا شکنجہ مزید سخت، معاونین کے بعد اب بیٹے کو دہلی سے کیا گیا گرفتار۔

سابق ایم ایل سی حاجی اقبال کے خلاف حکومت کا شکنجہ مزید سخت، معاونین کے بعد اب بیٹے کو دہلی سے کیا گیا گرفتار۔

سہارنپور: گینگسٹر ایکٹ میں مطلوب سابق ایم ایل سی حاجی اقبال کے بیٹے کو دہلی کے لاجپت نگر سے گرفتار کیا گیا ہے۔ بہٹ پولیس اور کرائم برانچ نے جمعرات کی رات کان کنی مافیا حاجی اقبال کے بیٹے علی شان کو گرفتار کیا، وہ اس وقت بہٹ کوتوالی میں ہے۔ سہارنپور کی بہٹ پولس نے گینگسٹر ایکٹ کے تحت غریبوں سے دھوکہ دہی اور زمین ہتھیانے کے معاملے میں یہ کارروائی کی ہے۔

اس معاملے میں یہ تیسری گرفتاری ہے۔ تاہم حاجی اقبال، ان کے بیٹے جاوید، واجد اور افضل تاحال مفرور ہیں۔ اس سے قبل معاون سابق بلاک پرمکھ راؤ لئیق، نوکر نسیم کی گرفتاری عمل میں آچکی ہے۔ راؤ لئیق کو عدالت سے ضمانت مل گئی ہے۔ کوتوالی بہٹ کے انسپکٹر برجیش کمار پانڈے اس معاملے کی جانچ کر رہے ہیں۔

ایس پی دیہات سورج رائے نے بتایا کہ علیشان کو بہٹ پولیس اور سرویلنس ٹیم نے گرفتار کیا ہے۔ اسے رات دو بجے کے قریب لاجپت نگر سے گرفتار کیا گیا۔ اس کے قبضے سے ایک فارچیونر گاڑی بھی برآمد ہوئی ہے۔

بتادیں کہ بی ایس پی کے سابق ایم ایل سی حاجی اقبال اور ان کے بھائی سابق ایم ایل سی محمود علی سمیت چار لوگوں کے خلاف مرزا پور پولیس اسٹیشن میں رپورٹ درج کی گئی تھی۔ یہ رپورٹ جعلسازی اور دھوکہ دہی کی دفعات کے تحت درج کی گئی تھی۔ رپورٹ ان کے سابق ساتھی امت جین عرف دادو نے درج کرائی ہے۔ اس معاملے کو لے کر مہاویر کالونی کے رہنے والے امت جین نے ایس ایس پی کو ایک خط بھیجا، جس میں الزام لگایا گیا کہ ملزم اس کے جعلی دستخط کر بینک اکاؤنٹ چلاتے تھے۔ اس کے ساتھ ہی محکمہ کان کنی سے ایم ایم 11 فارم جاری کیے جائیں۔ اقبال نے انہیں دہشت زدہ کیا اور ان کی مرضی کے بغیر لاکھوں روپے کی زمین بھی خرید لی۔ پھر کئی کمپنیوں اور ٹرسٹوں میں اپنا پیسہ لگا دیا۔

حال ہی میں ایس ایس پی آکاش تومر کی جانب سے کی گئی تحقیقات میں کان کنی مافیا کے منشی نسیم اور اس کے بیٹے حاجی اقبال کے نام پر کروڑوں روپے کی جائیدادیں پائی گئیں۔ ڈی ایم اکھلیش سنگھ نے ان جائیدادوں کو قرق کرنے کا حکم دیا تھا۔ جس کے بعد محکمہ ریونیو اور پولیس نے کارروائی کرتے ہوئے ان تمام جائیدادوں کو قرق کر لیا۔

سمیر چودھری۔