Latest News

سپریم کورٹ نے سائی بابا کو بری کرنے کے بامبے ہائی کورٹ کے فیصلے پر روک لگا دی۔

سپریم کورٹ نے سائی بابا کو بری کرنے کے بامبے ہائی کورٹ کے فیصلے پر روک لگا دی۔
نئی دہلی: سپریم کورٹ نے ہفتہ کو دہلی یونیورسٹی کے سابق پروفیسر جی۔این سائبابا اور دیگر کو ممنوعہ نکسلیوں کے ساتھ مبینہ تعلق کے معاملے میں بامبے ہائی کورٹ کی ناگپور بنچ کے رہائی کے فیصلے پر روک لگا دی ہے۔جسٹس ایم آر شاہ اور جسٹس بیلا ایم ترویدی کی خصوصی بنچ نے متعلقہ فریقوں کے دلائل سننے کے بعد ہائی کورٹ کے فیصلے پر روک لگانے کا حکم جاری کیا۔ تاہم عدالت عظمیٰ نے پروفیسر سائبابا اور دیگر کو متعلقہ عدالت میں ضمانت کی درخواست دائر کرنے کی اجازت دی۔ مہاراشٹر حکومت نے ہائی کورٹ کے اس فیصلے کو جمعہ کو سپریم کورٹ میں چیلنج کیا تھا، جس میں پروفیسر سائبابا اور دیگر کو رہا کرنے کا حکم دیا گیا تھا۔ریاستی حکومت نے جمعہ کو سپریم کورٹ سے رجوع کیا تھا اور ہائی کورٹ کے فیصلے کے اعلان کے فوراً بعد اسے منسوخ کرنے کا مطالبہ کیا تھا، لیکن جسٹس ڈی وائی۔ چندر چوڑ اور جسٹس ہیما کوہلی نے فیصلے پر فوری روک لگانے کی درخواست کو مسترد کر دیا تھا۔تاہم، بعد میں سپریم کورٹ نے ہفتہ کو اس معاملے کی سماعت کرنے کا فیصلہ کیا اور ریاستی حکومت کی 'خصوصی درخواست  جسٹس شاہ اور ترویدی کی بنچ کے سامنے لسٹڈ کی گئی تھی۔جمعہ کو (ہائی کورٹ کے فیصلے کے کچھ دیر بعد) جسٹس چندرچوڑ اور جسٹس ہیما کوہلی کی بنچ کے سامنے سالیسٹر جنرل تشار مہتہ ریاستی حکومت کی طرف سے پیش ہوئے اور پروفیسر سائبابا کو بری کرنے کے ہائی کورٹ کے فیصلے کا حوالہ دیتے ہوئے انہوں نے اس (فیصلے) پر فوری روک لگانے کی درخواست کی تھی۔بامبے ہائی کورٹ کی ناگپور بنچ نے جمعہ کے روز سائبابا اور دیگر کو غیر قانونی سرگرمیوں کی روک تھام کے قانون کے تحت قانونی چارہ جوئی کی منظوری دینے میں طریقہ کار کی بے ضابطگیوں کے لئے سنائی گئی عمر قید کی سزا کو منسوخ کر دیا تھا۔ فیصلے کا حوالہ دیتے ہوئے سالیسٹر جنرل نے عدالت عظمیٰ کے سامنے کہاکہ "ہم میرٹ پر نہیں ہارے، یہ صرف منظوری کی کمی کی وجہ سے ہوا ہے۔ پروفیسر سائبابا اور دیگر کو ٹرائل کورٹ نے ممنوعہ ماؤنواز تنظیم سے روابط کے الزام میں عمر قید کی سزا سنائی تھی۔ 7 مارچ، 2017 کو تمام ملزمان کو غیر قانونی سرگرمیوں کی روک تھام ایکٹ کی دفعات کے تحت ممنوعہ ماؤنواز تنظیم سے تعلق رکھنے کا قصوروار قرار دیتے ہوئے گڈچرولی سیشن کورٹ نے عمر قید کی سزا سنائی تھی۔مجرمین نے نچلی عدالت کے اس فیصلے کو ہائی کورٹ میں چیلنج کیا تھا۔ 14 اکتوبر کو سماعت مکمل ہونے کے بعد ہائی کورٹ نے ملزم مہیش کریمان ٹرکی، ہیم کیشودت مشرا، پرشانت راہی نارائن سانگلیکر اور جی این سائبابا کو فوری رہا کرنے کا حکم دیا تھا۔ ایک اور ملزم وجے نان ٹرکی پہلے ہی ضمانت پر تھے، جب کہ ایک اور پانڈو پورہ نروٹے کی اپیل زیر التوا رہنے کے دوران موت ہوگئی تھی۔
image.png

Post a Comment

0 Comments

خاص خبر