ادھو ٹھاکرے کو ایک اور جھٹکا، ایم پی گجانن کیرتیکر شندے گروپ میں شامل۔

ممبئی:  ادھو ٹھاکرے کیمپ میں بھگدڑ ختم ہونے کا نام نہیں لے رہی ہے۔ ادھو کیمپ کے 13 ویں ایم پی کیرتیکر نے اب بغاوت کر دی ہے اور شندے گروپ میں شامل ہو گئے ہیں۔ گجانن کیرتیکر جمعہ 11 نومبر کو وزیر اعلیٰ ایکناتھ شندے سے ملاقات کے لیے مہاراشٹر کے وزیر اعلیٰ ورشا بنگلہ پہنچے۔ یہاں گجانن کیرتیکر شندے گروپ میں شامل ہو گئے۔ اس کے بعد انہوں نے رابندر ناٹیا مندر میں سی ایم ایکناتھ شندے اور پارٹی کے دیگر لیڈروں کی موجودگی میں منعقدہ ایک پروگرام میں باضابطہ طور پر پارٹی میں شمولیت اختیار کی ۔ایک ٹویٹ میں، وزیر اعلیٰ مہاراشٹر ایکناتھ شندے نے گجانن کیرتیکر کا پارٹی میں خیرمقدم کیا اور ان کی شمولیت کی تصدیق کی۔ مراٹھی میں کی گئی ٹویٹ میں شندے نے لکھا، 'ممبئی نارتھ ویسٹ لوک سبھا حلقہ سے مقبول ایم پی گجانن کیرتیکر آج بالا صاحب کی شیوسینا پارٹی میں شامل ہو گئے ہیں۔ اس موقع پر ان کا پرتپاک استقبال کیا گیا اور ان کے مستقبل کے سماجی اور سیاسی سفر کے لیے نیک خواہشات کا اظہار کیا گیا۔ممبئی کے ایم پی کے اس فیصلے کو گریٹر ممبئی میونسپل کارپوریشن انتخابات سے قبل شیو سینا (یو بی ٹی) کے لیے ایک بڑے جھٹکا کے طور پر دیکھا جا رہا ہے ۔ کیرتیکر کو ادھو ٹھاکرے گروپ کا وفادار رکن پارلیمنٹ سمجھا جاتا تھا، لیکن ان کے شندے گروپ میں شامل ہونے سے ایکناتھ شندے گروپ کے ممبران اسمبلی کی تعداد 13 ہو گئی ہے۔پہلے ہی یہ گونج رہی تھی کہ گجانن کیرتیکر شندے گروپ میں شامل ہوں گے۔ شیواجی پارک میں منعقد پروگرام میں انہوں نے کہا تھا کہ کانگریس اور این سی پی کے ساتھ اتحاد کرنا ایک غلطی تھی۔ 6 ستمبر کو گجانن کیرتیکر اور وزیر اعلیٰ ایکناتھ شندے کے درمیان خفیہ ملاقات کی بھی اطلاعات تھیں۔ اس وقت کہا گیا تھا کہ رکن پارلیمنٹ کیرتیکر بھگوان گنپتی کے درشن کرنے چیف منسٹر کی سرکاری رہائش گاہ گئے تھے۔ اس کے علاوہ یہ خبریں بھی آئی تھیں کہ کیرتیکر ماضی قریب میں مختلف وجوہات کی وجہ سے ٹھاکرے کیمپ سے خوش نہیں تھے۔