شیو سینا اور تیر کمان نشان شندے کا، الیکشن کمیشن کی طرف سے ادھو ٹھاکرے کو بڑا جھٹکا۔

ممبئی: شیوسینا پراستحقاق کو لے کر ایکناتھ شندے کے دھڑے اور ادھو ٹھاکرے کے دھڑے کے درمیان جاری کشمکش کے درمیان الیکشن کمیشن نے جمعہ (17 فروری) کو ایک بڑا حکم دے ڈالا ہے۔ الیکشن کمیشن نے حکم دیا کہ پارٹی کا نام ’’شیو سینا‘‘ اور پارٹی کا نشان ’’تیر -کمان‘‘ایکناتھ شندے دھڑے کے پاس ہی رہے گا۔ جہاں الیکشن کمیشن کا یہ فیصلہ ادھو ٹھاکرے گروپ کے لیے بڑا دھچکا ہے وہیں شنڈے گروپ کو بڑی جیت ملی ہے۔الیکشن کمیشن کے فیصلے کے بعد مہاراشٹر کے وزیر اعلیٰ ایکناتھ شندے نے کہا کہ یہ بالاصاحب ٹھاکرے کے خیالات کی جیت ہے۔ درحقیقت ایک ناتھ شندے کی بغاوت اور ادھو ٹھاکرے کی حکومت کے گرنے کے بعد سے دونوں دھڑے شیوسینا کے نام اور انتخابی نشان کا دعویٰ کر رہے تھے۔ کمان اور تیر کا نشان منجمد کر دیا گیاتھا، کیونکہ معاملہ الیکشن کمیشن میں زیر التوا تھا۔ ضمنی انتخاب کے لیے دونوں دھڑوں کو دو مختلف نشانات الاٹ کیے گئے۔ جس میں شندے گروپ کو دو تلواریں اور ایک ڈھال اور ادھو گروپ کو مشعل کا نشان دیا گیا۔الیکشن کمیشن نے کہا کہ شیوسینا کا موجودہ آئین غیر جمہوری ہے۔الیکشن کمیشن نے پایا کہ شیوسینا کا آئین، جیسا کہ 2018 میں ترمیم کیا گیا تھا، الیکشن کمیشن آف انڈیا کو نہیں دیا گیا ہے۔الیکشن کمیشن نے مشاہدہ کیا کہ کمیشن کے اصرار پر آنجہانی بال ٹھاکرے کے ذریعہ لائے گئے 1999 کے پارٹی آئین میں جمہوری اصولوں کو متعارف کرانے کے کام کو ختم کردیا ہے۔ شیو سینا کے اصل آئین کے غیر جمہوری اصول، جنہیں کمیشن نے 1999 میں قبول نہیں کیا تھا، کو خفیہ طریقے سے واپس لایا گیا ہے، جس سے پارٹی کو ایک جاگیر کی طرف لے جایا گیا ہے۔ ٹھاکرے دھڑے کے لیڈروں نے الیکشن کمیشن کے فیصلے پر شدید ردعمل کا اظہار کیا ہے۔شیوسینا (ٹھاکرے دھڑے) کے رکن پارلیمنٹ سنجے راوت نے کہا کہ ہم ایک نئے نشان کے ساتھ عوام کی عدالت میں جائیں گے اور پھر نئی شیوسینا قائم کریں گے۔ یہ جمہوریت کا قتل ہے۔ ہم قانونی لڑائی بھی لڑیں گے۔ادھو ٹھاکرے دھڑے کے ترجمان آنند دوبے نے کہا کہ الیکشن کمیشن بی جے پی کا ایجنٹ ہے۔ کمیشن بی جے پی کے لیے کام کرتا ہے۔ اب ملک کے لوگوں کو یقین آ گیا ہے۔اسمبلی میں کل 67 میں سے 40 ایم ایل ایز کی حمایت شندے دھڑے کے ساتھ ہے۔ پارلیمنٹ میں شندے دھڑے کے ساتھ 13 اور ادھو ٹھاکرے کے دھڑے کے 7 ممبران پارلیمنٹ ہیں۔