سی ایم یوگی کا اعلان، مدارس سمیت تمام تعلیمی اداروں میں ٹیچروں کی بھرتی ایک ہی کمیشن سے ہوگی۔

اتر پردیش کی یوگی حکومت نے 4 اپریل کو اساتذہ کی بھرتی کو لے کر بڑا فیصلہ لیا ہے۔ ریاست میں اب ایجوکیشن سروس سلیکشن کمیشن تشکیل دیا جائے گا۔ اس کمیشن کا کام تمام کالجوں سے لے کر اسکولوں حتیٰ کہ مدارس تک اساتذہ کی بھرتی کرنا ہوگا۔ یعنی اب ریاست کے مدارس سے لے کر اسکولوں میں اساتذہ کی تقرری اس کمیشن کے ذریعے کی جائے گی۔ ایجوکیشن سروس سلیکشن کمیشن اساتذہ کی اہلیت کے امتحان (ٹی ای ٹی) کے امتحان کا بھی اہتمام کرے گا۔

اسکولوں کے علاوہ کچھ کالجوں میں بھرتی کی ذمہ داری ایجوکیشن سروس سلیکشن کمیشن پر ہوگی۔ یہ کالج سرکاری کالج، غیر سرکاری امداد یافتہ کالج، سنسکرت کالج اور اقلیتی کالج، سرکاری انجینئرنگ کالج، امداد یافتہ پولی ٹیکنیک کالج اور غیر سرکاری امداد یافتہ مدارس ہیں۔ نیا کمیشن انتخاب کا عمل انجام دے گا۔

اتر پردیش میں پرائمری ٹیچر کا 12 ویں پاس ہونا ضروری ہے، اس کے ساتھ ساتھ اس شخص کے پاس بیچلر ڈگری اور دو سال کا ڈی ایڈ یا بی ٹی سی ڈپلومہ ہونا ضروری ہے۔ اس کے علاوہ 12ویں اور گریجویشن میں کم از کم 50 فیصد نمبر ہونے چاہئیں

اپر پرائمری ٹیچر کے خواہشمندوں کے پاس ڈپلومہ کی ڈگری ہونی چاہیے۔ اس کے علاوہ بیچلر ڈگری جس میں 50 فیصد نمبر ضروری ہیں۔