وزیراعظم سے کوئی امید نہیں، دھرنے پر پہلوانوں سے ملاقات کے بعد پرینکا کا بیان۔

 نئی دہلی:  کانگریس جنرل سکریٹری پرینکا گاندھی واڈرا ہفتہ کو جنتر منتر پر ریسلنگ فیڈریشن آف انڈیا کے صدر اور بی جے پی کے رکن پارلیمنٹ برج بھوشن شرن سنگھ کے خلاف احتجاج کرنے والے پہلوانوں سے ملاقات کی۔ ملک کے چوٹی کے پہلوان اتوار سے مظاہرے کر رہے ہیں اور وہ مطالبہ کر رہے ہیں کہ برج بھوشن کو صدر کے عہدے سے ہٹایا جائے اور جنسی ہراسانی کے الزامات پر ان کے خلاف مجرمانہ کارروائی کی جائے۔ پرینکا گاندھی نے مرکز پر برج بھوشن کو بچانے کا الزام لگایا۔صحافیوں سے بات کرتے ہوئے کانگریس لیڈر نے کہاکہ 'جب یہ لڑکیاں تمغہ جیتتی ہیں تو سبھی ٹویٹ کرتے ہیں اور کہتے ہیں کہ وہ ملک کا فخر ہیں، لیکن جب وہ سڑک کے کنارے بیٹھ کر انصاف کا مطالبہ کر رہی ہوتی ہے تو کوئی اس کی بات سننے کو تیار نہیں۔ اگر ایف آئی آر درج ہوئی ہے تو اس کی کاپی ان کے ساتھ شیئر کی جائے۔ پرینکا نے کہاکہ 'مجھے وزیر اعظم سے کوئی امید نہیں ہے۔ اگر اسے پہلوانوں کی کوئی فکر ہوتی تو وہ کم از کم ان کو بلا کر ان سے بات کرتے۔ جب وہ تمغے جیتتی تھی تو وہ اسے چائے پر بلایا کرتے تھے۔ اس لیے انہیں بلاؤ، ان سے بات کرو کیونکہ یہ ہماری لڑکیاں ہیں۔پرینکا گاندھی نے کہا، 'اس شخص کے خلاف سنگین الزامات ہیں۔ پہلے انہیں استعفیٰ دے کر عہدے سے ہٹایا جائے۔ جب تک وہ عہدے پر ہیں، وہ دباؤ بناتے رہیں گے اور لوگوں کے کیریئر کو تباہ کرتے رہیں گے۔ کانگریس لیڈر نے کہا، 'اگر وہ شخص اس عہدے پر رہتا ہے جس کے ذریعے وہ پہلوانوں کا کیریئر تباہ کر سکتا ہے، انہیں ہراساں کر سکتا ہے اور ان پر دباؤ ڈال سکتا ہے، تو پھر ایف آئی آر اور تحقیقات کا کیا فائدہ۔آپ کو بتاتے چلیں کہ خواتین ریسلرز کی جانب سے لگائے گئے جنسی ہراسانی کے الزامات کے سلسلے میں دہلی پولیس نے جمعہ کے روز ریسلنگ فیڈریشن آف انڈیا کے صدر برج بھوشن شرن سنگھ کے خلاف دو ایف آئی آر درج کی ہیں۔ دہلی کے ڈپٹی کمشنر آف پولیس نے کہا کہ خواتین پہلوانوں سے موصول ہونے والی شکایات کے سلسلے میں کناٹ پلیس پولیس اسٹیشن میں دو ایف آئی آر درج کی گئی ہیں۔ انہوں نے بتایا کہ پہلا معاملہ ایک نابالغ متاثرہ کی طرف سے لگائے گئے الزامات سے متعلق ہے، جو کہ POCSO ایکٹ کے تحت آئی پی سی کی متعلقہ دفعات سے متعلق ہے دوسری ایف آئی آر دیگر بالغ شکایت کنندگان کی طرف سے کی گئی شکایات کی جامع تحقیقات کرنے کے لیے درج کی گئی ہے۔ ڈی سی پی نے کہا کہ دونوں ایف آئی آر کی جانچ صحیح طریقے سے ہو رہی ہے۔خواتین پہلوان ڈبلیو ایف آئی کے صدر برج بھوشن کے خلاف دہلی کے جنتر منتر پر احتجاجی دھرنے پر بیٹھے ہیں۔ اس مظاہرے میں بجرنگ پونیا، ساکشی ملک، ونیش پھوگاٹ جیسے بڑے پہلوان شامل ہیں۔ پہلوانوں نے بی جے پی کے رکن پارلیمنٹ برج بھوشن پر خاتون پہلوانوں کے ساتھ جنسی ہراسانی کا الزام لگایا ہے۔ وہیں دہلی پولیس نے گزشتہ روز برج بھوشن سنگھ کے خلاف اس سلسلے میں دو ایف آئی آر بھی درج کی ہیں۔ وہیں کانگریس جنرل سکریٹری پرینکا گاندھی واڈرا بھی پہلوانوں سے ملنے جنتر منتر پہنچی۔