کیرالا کے مندروں میں آرایس ایس کی شاکھائیں لگانے پر پابندی،سرکلر جاری۔

کیرالہ میں مندروں کو چلانے والے ٹراوانکور دیواسووم بورڈ نے 18 مئی کو ایک سرکلر جاری کیا۔ اس سرکلر کے مطابق آر ایس ایس کے شاکھاوں کو اب اس کے تحت آنے والے مندروں میں نہیں لگایاجائے گا۔

آمر اجالا کی رپورٹ کے مطابق سرکلر میں کہا گیا ہے کہ اگر اس کے تحت آنے والے مندروں میں آر ایس ایس کی سرگرمیاں ہوتی ہیں تو ان مندروں کے عہدیداروں کے خلاف کارروائی کی جائے گی۔ 2016 میں بھی، ٹراوانکور دیواسووم بورڈ نے مندر کے احاطے میں آر ایس ایس کے ذریعہ ہتھیاروں کی تربیت پر پابندی لگانے کا ایک سرکلر جاری کیا تھا۔ بعد ازاں 30 مارچ 2021 کو دوبارہ سرکلر جاری کرکے حکم پر سختی سے عمل کرنے کی ہدایات دی گئیں۔ اس کے علاوہ، سرکلر میں مندر کے احاطے کو رسومات اور تہواروں کے علاوہ کسی اور مقصد کے لیے استعمال کرنے سے منع کیا گیا ہے۔ واضح کریں کہ ٹراوانکور دیواسووم بورڈ کیرالہ میں تقریباً 1248 مندروں کی دیکھ بھال اور انتظام کرتا ہے۔