جمیعت علماء کا مقصد نفرت کی فضا کو ختم کر نا اور محبت کے پیغام کو عام کرنا ہے، مدرسہ تحفیظ القرآن میں منعقدہ اجلاس سے قاری ذاکر حسین کا خطاب۔

مظفرنگر: عزیز الرحمن خاں۔ جمیعت علمائے ہند مغربی اترپردیش کا ایک اہم اجلاس مدرسہ تحفیظ القرآن ناصر پور میں منعقد ہوا جس کی صدارت جمعیۃ علماء مغربی اترپردیش کے کنوینر مولانا محمد عاقل قاسمی نے کی اور نظامت جمعیۃ علماء اترپردیش کے سکریٹری قاری ذاکر حسین قاسمی نے کی۔ اجلاس خصوصی طور پر مغربی اتر پردیش کے اضلاع کے ضلعی صدور اور جنرل سکریٹریز اور دیگر ذمہ داران نے شرکت کی۔

  قاری ذاکر حسین قاسمی نے میڈیا کو بتایا کہ جمعیۃ علماء مغربی اترپردیش کے پانچ اضلاع کو ماڈل اضلاع کے طور پر سامنے رکھتے ہوئے پورے زون میں کام کرنے کا منصوبہ بنایا گیا ہے۔ جو کام نمایاں طور پر کرنے ہیں ان میں تمام نوجوان لڑکوں اور لڑکیوں کو دینی تربیت کے ساتھ ساتھ جدید تعلیم، نوجوانوں کو روزگار سے جوڑنے اور معاشرے کے نوجوانوں اور ہر عمر کے لوگوں کو منشیات کے عادی ہونے سے روکنے کا کام کرنا ہے۔ اور منشیات سے پاک معاشرہ تشکیل دینا، کام کرنا، سماجی خرابیوں کو روکنا، شادیوں کو آسان بنانا۔ 

 NIOS 

کے ذریعے مدارس کے بچوں کو دنیاوی تعلیم سے جوڑنے اور مکتب کے ذریعے اسکولوں اور کالجوں کے طلباء کو دینی تعلیم فراہم کرنے کے ایکشن پلان پر کام جاری ہے۔ اس کے ساتھ تنظیم کو دیہی علاقوں تک مضبوط کرنے کے لیے ایکشن پلان پر کام کیا جا رہا ہے۔ جمعیت پہلے ہی ہر سال میڈیکل، انجینئرنگ، لاء اور دیگر پروفیشنل کورسز کے مستحق طلباء کو تعلیمی میدان میں آگے بڑھنے کے لیے اسکالرشپ فراہم کرتی ہے۔ جمعیت کا بنیادی مقصد نفرت کی فضا کو ختم کرنا اور محبت کے پیغام کو عام کرنا اور نوجوانوں کو تعلیم و روزگار سے جوڑ کر جسمانی اور ذہنی طور پر مضبوط بنانا اور منشیات اور دیگر برائیوں سے دور رکھنا ہے جس سے ملک کی ترقی میں مدد ملے گی۔ ملک اور معاشرے میں اپنا اہم کردار ادا کر سکتا ہے۔ جن پانچ اضلاع کو ماڈل ضلع بنانے کا فیصلہ کیا گیا ان میں مظفر نگر، امروہہ، شاملی، فیروز آباد اور باغپت شامل ہیں۔ اجلاس میں مولانا عاقل  گڑہی دولت، ڈائرکٹر، قاری ذاکر حسین قاسمی سکریٹری جمعیت علماء اتر پردیش، جنرل سکریٹری قاری یامین مغربی اتر پردیش، مفتی عباس، سید جہین، مفتی بنیامین، مولانا محمد موسیٰ قاسمی وغیرہ شامل رہے