لاپتہ نوجوان کی لاش گنے کے کھیت سے برآمد، شناخت مٹانے کے لیے چہرہ تیزاب سے جلا دیا گیا۔

 مظفر نگر: عزیز الرحمن خاں۔

جانسٹھ کے گڑھی گاؤں سے لاپتہ نوجوان کامشکوک حالات میں گلا کاٹ کر قتل کر دیا گیا۔ لاش گاؤں کے قریب گنے کے کھیت میں پڑی ہوئی ملی۔ قاتلوں نے شناخت چھپانے کے لیے مقتول کا چہرہ تیزاب سے جلا دیا۔ پولیس نے لاش کو پوسٹ مارٹم کے لیے بھیج دیا ہے۔

کوتوالی جانسٹھ کے گڑھی گاؤں کا جاوید (30) ولد مہندی حسن اتوار کو گھر سے لاپتہ ہو گیا تھا۔ منگل کی صبح جب گاؤں والے کھیت پہنچے تو انہوں نے گنے کے کھیت میں ایک لاش پڑی دیکھی۔ لاش دیکھ کر پولیس اور گاؤں میں اطلاع پر پہنچے اور لاش کو پوسٹ مارٹم کے لئے بھیجا قتل کی وجہ واضح نہیں ہو سکی ہے۔