دھوکہ دہی کے معاملے میں بینک مینیجر کو سات سال کی قید اور ایک لاکھ ۳۵ ہزار روپے کے جرمانے کی سزا۔

مظفر نگر: عزیز الرحمن خاں.  

کھتولی ایکسیس بینک میں کھاتہ داروں کے لاکھوں روپے دوسرے کھاتوں میں منتقل کرکے دھوکہ دہی کا معاملے میں ملزم بینک منیجر امریش شرما کو سات سال قید اور ایک لاکھ 35 ہزار روپے جرمانہ کی سزا سنائی گئی ہے۔ 

واضح ہوکہ کہ 2021 میں، ایکسیس بینک برانچ کھتولی کے اس وقت کے منیجر امریش شرما، جن پر بغیر چیک کے 36 لاکھ روپے دوسرے اکاؤنٹ میں منتقل کرکے اکاؤنٹ ہولڈرز کی رقم ہضم کرنے کے سنسنی خیز معاملے میں ملزم تھا، کو دھوکہ دہی کے معاملے میں گرفتار کیا گیا تھا۔ ایکسیس بینک برانچ کھتولی کے اس وقت کے منیجر کو ٹرسٹ میں پھنسانے پر ایک سال قید اور ایک لاکھ 35 ہزار روپے جرمانہ، عدالت نے دفعہ 409 میں 7 سال قید اور 50 ہزار روپے جرمانہ، 5 سال قید کی سزا سنائی ہے۔ دفعہ 420، 465 میں 30 لاکھ 30 ہزار روپے جرمانہ اور دفعہ 120 بی میں 5 سال قید اور 25 ہزار روپے جرمانہ عائد کیا گیا ہے۔کیس کی سماعت چیف جوڈیشل مجسٹریٹ منوج کمار جاٹاو کی عدالت میں ہوئی۔ استغاثہ کے ذرائع کے مطابق ایکسیس بینک کھتولی کے منیجر امریش شرما نے سال 2021 میں بینک کیشیئر سے مل کرکے مختلف کھاتہ داروں سے بغیر چیک کے دوسرے اکاؤنٹ میں رقم منتقل کی تھی۔کیشیئر کے خلاف کھتولی تھانے میں مقدمہ درج کیا گیا تھا جو کہ گرفتار نہ ہوسکا اور فرار ہوگیا جبکہ بینک منیجر امریش شرما کو معطل کرکے جیل بھیج دیا گیا تھا اور بینک کو کھاتہ داروں کو معاوضہ ادا کرنا پڑا تھا۔