مسلم نوجوان نے دی غیر مسلم خاتون سب انسپکٹر سے کورٹ میرج کی درخواست، لڑکی کے بھائی نے بتایا "لو جہاد"، کہا بہن کا دماغی توازن ٹھیک نہیں، کورٹ میں ہاتھا پائی۔

 مظفرنگر:عزیز الرحمن خاں۔

بریلی کے ایک تھانے میں تعینات ایک لیڈی سب انسپکٹر (فیمیل انسپکٹر) کو دوسرے فرقہ کے ایک نوجوان سے محبت ہو گئی۔ جب دونوں نے ایس ڈی ایم صدر میں کورٹ میرج کی درخواست دی تو اس پر ہاتھا پائی ہوئی۔ خاتون کانسٹیبل کے بھائی نے کورٹ میرج کو لو جہاد قرار دیتے ہوئے اعتراض کیا ہے۔

 خاتون کانسٹیبل میرٹھ کے فورٹ پرکشیت گڑھ علاقے کی رہنے والی ہے۔ فی الحال بریلی کے ایک پولیس اسٹیشن میں تعینات ہیں۔ کچھ عرصہ پہلے وہ بہیڑی ساکن دوسری کمیونٹی کے ایک نوجوان سے رابطہ میں آئی۔ نوجوان پراپرٹی ڈیلر ہے۔ ان دونوں میں محبت کا رشتہ تھا۔ کچھ عرصہ قبل شہر کے ایک تھانے میں خاتون انسپکٹر کی تعیناتی کی گئی تھی۔ 18 مئی کو دونوں نے ایس ڈی ایم صدر میں کورٹ میرج کی درخواست دی۔ درخواست کے بعد دونوں کے اہل خانہ کو نوٹس بھیج کر اعتراضات طلب کیے گئے اور اس پر ہلچل مچ گئی۔ جمعہ کو خاتون انسپکٹر کے اہل خانہ بریلی پہنچے اور اس کے بھائی نے ایس ڈی ایم کو درخواست دے کر شادی پر اعتراض کیا۔

 نوجوان نے کہا کہ دونوں اپنے اپنے مذہب میں رہیں گے۔

 نوجوان نے بتایا کہ اس نے اسپیشل میرج ایکٹ کے تحت درخواست دی ہے۔ ان دونوں میں سے کسی کو بھی اپنا مذہب تبدیل کرنے کی ضرورت نہیں۔ دونوں اپنے اپنے مذہب میں رہیں گے۔

 بھائی نے لو جہاد کا معاملہ بتاتے ہوئے کہا کہ 

 اعتراض میں کہا کہ ان کی بہن کا دماغی توازن ایک سال سے ٹھیک نہیں ہے۔ اس کا فائدہ اٹھاتے ہوئے دوسرے فرقہ کے نوجوان نے بہن کو لو جہاد کے تحت پھنسایا اور اسپیشل میرج ایکٹ کے تحت شادی کرنے کی کوشش کر رہا ہے۔ انہوں نے اس پر پابندی کا مطالبہ کیا ہے۔ جمعہ کو پورے شہر میں بحث کا ماحول گرم رہا۔ ہندو تنظیموں کے لوگوں میں بھی ناراضگی ہے۔ وہ حکام سے اس پر پابندی کا مطالبہ کر رہے ہیں۔

ایس ڈی ایم صدر پرتیوش پانڈے نے بتایا کہ اس شادی کے تعلق سے متعلقہ تھانے اور تحصیل سے رپورٹ طلب کی جا رہی ہے۔ پولیس اور تحصیل رپورٹ آنے کے بعد شادی سے متعلق فیصلہ کیا جائے گا۔ فی الحال اس معاملے پر اعتراض بھی آیا ہے۔