مظفرنگر میں جی ایس ٹی ٹیم کی ای رکشا فیکٹری پر چھاپے ماری، ایک کروڑ روپے ٹیکس چوری پر ۳۰ لاکھ روپیے وصول کیا۔

مظفر نگر: عزیز الرحمن خاں۔

مظفرنگر میں جی ایس ٹی ایس آئی بی ٹیم نے ضلع میں ای-رکشا بنانے والی کمپنی کی فیکٹری پر چھاپہ مارا اور ٹیکس چوری کے طور پر تقریباً ایک کروڑ روپے کا سامان ضبط کیا۔ اس کے لئے ٹیم کے افسران نے کمپنی پر ٹیکس چوری پر 30 لاکھ روپے جرمانہ عائد کیا، یہ رقم موقع پر جمع کرائی اور کمپنی کا اکاؤنٹنگ ریکارڈ، اسٹاک رجسٹر اور دیگر دستاویزات کو تحقیقات کے لئے اپنی تحویل میں لے لیا ہے۔ 

واضح ہو کہ ٹیکس چوری کے معاملات پر قابو پانے کے لیے ریاستی جی ایس ٹی ایس آئی بی کے جوائنٹ کمشنر جیوتی سوروپ شکلا کی ہدایت پر سچل دل کی ٹیم میں شامل افسران نے شاملی بائی پاس پر واقع یونیک ای رکشا برانڈ بنانے والی کمپنی کی فیکٹری پر چھاپہ مارا۔ یہ کارروائی تقریباً 16 گھنٹے تک جاری رہی۔ اس کارروائی کے دوران سٹاک رجسٹر میں پائے جانے والے تضادات کے ساتھ فیکٹری میں اکاؤنٹنگ ریکارڈ سے زیادہ سامان برآمد ہوا۔

 ریاستی جی ایس ٹی ایس آئی بی کی موبائل ٹیم کی قیادت کرنے والے ڈپٹی کمشنر ایس آئی بی وویک مشرا نے کہا کہ فیکٹری میں بڑے پیمانے پر بے ضابطگیاں پائی گئی ہیں۔ ایک کروڑ روپے کا سامان اکاؤنٹنگ ریکارڈ سے زیادہ پایا گیا ہے، براہ راست ایک کروڑ روپے کی ٹیکس چوری کا معاملہ ہے، کمپنی کو 30 لاکھ روپے جرمانہ کیا گیا ہے اور یہ رقم موقع پر ہی جمع کرائی گئی ہے۔ انہوں نے کہا کہ کمپنی کی تحقیقات کے لیے اسٹاک، اکاؤنٹس اور دیگر دستاویزات قبضے میں لے لی گئی ہیں۔ مزید بے ضابطگیاں پائی گئیں تو کمپنی کے خلاف کارروائی کی جائے گی۔ اس کارروائی کے دوران ڈپٹی کمشنر وویک مشرا، اسسٹنٹ کمشنر مہیش پاٹھک، روی پنوار، انیرودھ رائے کو ریاستی جی ایس ٹی ٹاسک فورس میں شامل کیا گیا۔