مظفرنگر پولس نے بین ریاستی چور گروہ کے تین ارکان کو کیا گرفتار، شوق پورے کرنے کے لئے گاڑیاں چوری کرنے کی واردتیں دیتے تھے انجام۔

 مظفر نگر: عزیز الرحمن خاں۔

مظفرنگر پولیس نے ایک بین ریاستی گاڑی چور گینگ کے تین ارکان کو گرفتار کیا ہے جو اپنے تفریح کا شوق پورا کرنے کے لیے گاڑی چوری کی وارداتیں انجام دیتے تھے۔ پولیس نے ان شاطر چوروں کے قبضے سے 10 مسروقہ موٹر سائیکلیں، پستول اور کارتوس برآمد کر لئے ہیں۔

مخبر کی اطلاع پر مظفر نگر کوتوالی پولس نے ہفتہ کی دیر رات تین بین ریاستی گاڑی چوروں گوتم عرف گوپی، راہل اور ایک بچے سے بدتمیزی کرنے والے کو گرفتار کیا۔  

 پولیس پوچھ گچھ میں ان گاڑی چوروں نے بتایا ہے کہ وہ اتراکھنڈ کے وکاس نگر ضلع میں ایک دوا ساز کمپنی میں کام کرتے ہیں، لیکن اپنے شوق کو پورا کرنے کے لئے وہ اتراکھنڈ اور اتر پردیش کے مختلف اضلاع میں گاڑی چوری کی وارداتیں کرتے رہے ہیں۔ یہ چوری شدہ گاڑیاں سستے داموں کباڑخانوں میں فروخت کر کے حاصل ہونے والی رقم کو اپنی تفریح اور اپنے شوق کی تکمیل کے لیے خرچ کر دیتے تھے۔

سی او سٹی آیوش وکرم سنگھ نے بتایا کہ گرفتار گوتم عرف گوپی ولد اشوک اور راہول ولد رنبیر ہیں، یہ دونوں تتاوی کے رہنے والے ہیں۔ ان کے خلاف 7 سے زائد مقدمات درج ہیں اور وہ پہلے بھی چوری کے کیس میں جیل جا چکا ہے۔ ان کے قبضے سے 10 موٹر سائیکلیں، ایک پستول اور دو کارتوس برآمد کی گئی ہیں۔ اور پوچھ گچھ میں ملزموں نے بتایا کہ وہ تفریح کے لئے چوری کرتا ہیں اور مظفر نگر، سہارنپور، اتراکھنڈ میں چوری کی واردات انجام دینے کے بعد لوگوں کو بہت کم قیمت پر موٹر سائیکل اور اسکریپ فروخت کرتے ہیں پولس نے ملزمین کو جیل بھیج دیا ہے