میرٹھ میں دردناک حادثہ، کاونڈيوں کا ڈی جے ہائی ٹینشن لائن سےٹکرایا، دو بھائیوں سمیت پانچ کی موت، ۲۰ نوجوان بری طرح جھلسے، مشتعل افراد نے لگایا جام۔

مظفرنگر: عزیز الرحمن خاں۔

یوپی کے میرٹھ کے بھون پور کے رالی چوہان گاؤں میں ہفتہ کی رات تقریباً 8.30 بجے ایک دردناک حادثہ نے کہرام مچادیا۔ کانوڈ اور ساتھ والا ساؤنڈ سسٹم گاؤں کے باہر 11 ہزار کی بجلی لائن کی زد میں آگیا اور اس میں سوار تمام لوگ کرنٹ سے بری جھلس گئے۔ 20 زخمیوں کو فوری طور پر قریبی ہسپتالوں اور میڈیکل کالجوں میں بھیج دیا گیا۔ حادثے میں دو بھائیوں سمیت پانچ کی موت ہو گئی۔ پولس انتظامیہ اور محکمہ بجلی کے اہلکار موقع پر پہنچ گئے۔

بھون پور تھانہ علاقہ کے گاؤں رالی چوہان ساکن سنجو اور پردیپ ہفتہ کی رات ڈاک کاونڈ لے کر ٹریکٹر ٹرالی سے ہریدوار سے گاؤں جا رہے تھے۔ جسے دیکھنے کے لئے گاؤں کے باہر میرٹھ-فورٹ روڈ پر گاؤں والوں کی بھیڑ جمع تھی۔ بتایا گیا کہ جب وہ قلعہ روڈ سے رالی چوہان گاؤں کی طرف مڑا تو ساؤنڈ سسٹم کی ٹرالی اور کاونڈ اوپر سے جانے والی ہائی ٹینشن لائن کی لپیٹ میں آگئے۔ جس سے پوری ٹرالی میں کرنٹ آگیا اور تمام کاونڈ ئے  اور آس پاس موجود افراد جھلس گئے۔ 

حادثے کے بعد موقع پر موجود لوگوں نے کسی طرح زخمیوں کو ٹرالی سے الگ کیا۔ 20 کے قریب زخمیوں کو فوری طور پر ہسپتال بھیجا گیا۔ ان میں سے دو بھائیوں ہمانشو اور پرشانت سمیت پانچ کی موت کی تصدیق ہو چکی ہے۔ اس کے ساتھ ہی دیگر زخمیوں کو گنگا نگر کے آئی ایم ٹی اور میرٹھ کے آنند اسپتال اور میڈیکل کالج میں داخل کرایا گیا ہے۔ بعد ازاں مشتعل دیہاتیوں نے اس واقعہ کے خلاف احتجاج کرتے ہوئے ہنگامہ آرائی کرتے ہوئے سڑک بلاک کردی۔ اطلاع پر ڈی ایم اور ایس ایس پی کئی تھانوں کی پولیس فورس کے ساتھ موقع پر پہنچ گئے ہیں۔

دیپک مینا، ڈی ایم میرٹھ کا کہنا ہے کہ ..

واقعہ کی اطلاع ملی ہے، میں خود موقع پر موجود ہوں، پولیس انتظامیہ کے افسران بھی موقع پر پہنچ گئے ہیں۔

سمیر چودھری۔