آر ایس ایس کی ذیلی تنظیم بھی یکساں سول کوڈ کے خلاف، ونواسی کلیان آشرم نے اپنی تہذیب وثقافت اور روایت پر حملہ قرار دیا۔

 نئی دہلی:  اگر آپ کو لگتا ہے کہ صرف آل انڈیا مسلم پرسنل لا بورڈ (اے آئی ایم پی ایل بی) 22 ویں لاء کمیشن کی سفارش سے محتاط ہے جو یکساں سول کوڈ (یو سی سی) کے متنازعہ مسئلہ پر رائے عامہ جاننے کی کوشش میں ہے؛تو دوبارہ سوچ لیں۔ حکمران بی جے پی کے نظریاتی سرپرست، راشٹریہ سویم سیوک سنگھ (آر ایس ایس) سے ملحق، ایک ادارہ یو سی سی کے حقیقت بننے کے بارے میں بے حد فکر مند ہے۔ونواسی کلیان آشرم ، آر ایس ایس سے وابستہ ایک ادارہ ہے جو ہندوستان کے دور دراز علاقوں میں درج فہرست قبائل کے ارکان کی فلاح و بہبود پر توجہ مرکوز کرتا ہے۔ یہ ادارہ لاء کمیشن کو خط لکھنے کی تیاری کر رہا ہے۔ یو سی سی بی جے پی کے بنیادی انتخابی وعدوں میں سے ایک رہا ہے۔ لہٰذا، جب بی جے پی کے نظریاتی سرپرست کی ایک شاخ اسی یو سی سی کے امکان کے بارے میں خوف زدہ ہوجاتی ہے، تو یہ لوگوں کو حیران کردیتی ہے۔لیکن جو لوگ ونواسی کلیان آشرم سے وابستہ ہیں ان کا کہنا ہے کہ ان کے پاس فکر مند ہونے کی کافی وجہیں ہیں کیونکہ ہندوستان بھر میں بہت سے قبائل کا اپنا ذاتی کوڈ ہے جو اکثر ہندو پرسنل کوڈ سے متصادم ہوتا ہے۔ "ہم اس وقت منی پور میں نسلی کشیدگی کا سامنا کر رہے ہیں۔ میگھالیہ کے اگلے دروازے پر، گارووں میں، سب سے چھوٹی بیٹی کو خاندانی وارث بننے کا ایک دیرینہ رواج ہے۔ فرض کریں کہ کل یو سی سی آئے اور وہ ہر بیٹے اور بیٹی کو خاندانی وراثت میں برابر کا شریک ہونے کو کہے، گارو خوش نہیں ہوں گے۔ یہاں تک کہ ان کے مرد بھی اس اصول کی پابندی کرتے ہیں۔آپ ان کے ساتھ کیسے استدلال کریں گے کہ قوم کو ایک ہی ذاتی ضابطہ کی ضرورت ہے جو فطرت میں یکساں ہو؟ انہوں نے سنتھالوں اور کولوں کا بھی حوالہ دیا جہاں تصویر بالکل مختلف ہے اور خواتین کو جائیداد پر کوئی حق نہیں ہے۔ جب تبصرہ کرنے کو کہا گیا تو اتل جوگ، جو ونواسی کلیان آشرم کے آرگنائزیشن سکریٹری ہیں، نے اسے ٹھکرانے کی کوشش کی۔ تاہم، انہوں نے اعتراف کیا، "ہم کمیشن کو ضرور لکھیں گے۔ تاہم، ہم پہلے ڈرافٹ دیکھنے کا انتظار کر رہے ہیں۔