آل انڈیا مسلم پرسنل لاء بورڈ کی یو سی سی پرہنگامی میٹنگ آج، حتمی مسودہ طے ہوگا۔

نئی دہلی:  یکساں سول کوڈ پر ہنگامہ آرائی کے درمیان آل انڈیا پرسنل لا بورڈ کی ایک بڑی میٹنگ ہونے جا رہی ہے۔ جس میں یو سی سی پر بات کی جائے گی اور مزید حکمت عملی تیار کی جا سکے گی۔ یہ میٹنگ 6 جولائی کو صبح 10 بجے طلب کی گئی ہے۔ جس میں پرسنل لا بورڈ کے تقریباً 250 ارکان ورچوئل انداز میں شریک ہوں گے۔ بتایا گیا ہے کہ اس میٹنگ میں حتمی مسودے پر تبادلہ خیال کیا جائے گا، جسے بورڈ حکومت کو سونپے گا۔

لا کمیشن کو تجویز دی جائے گی۔

پچھلے دنوں سنٹرل لا کمیشن نے 30 دنوں کے اندر یکساں سول کوڈ پر لوگوں کی رائے مانگتے ہوئے ایک نوٹیفکیشن جاری کیا تھا، جس میں ملک کے تمام لوگ اور تنظیمیں اپنی رائے دے رہی ہیں۔ اس سلسلے میں آل انڈیا مسلم پرسنل لا بورڈ مسودہ کے ذریعے لا کمیشن کو اپنا جواب دے گا۔ بتایا جا رہا ہے کہ کچھ نکات بحث کا مرکز بن سکتے ہیں، جن کے بارے میں لا کمیشن کو تجاویز دی جائیں گی۔