سیما حیدر کو فلم میں را ایجنٹ کے کردار کی پیشکش پر فلمساز کو جان سے مارنے کی ملی دھمکی۔

مظفرنگر: عزیز الرحمن خاں ۔

پروڈیوسر امیت جانی کو پاکستان سے آنے والی سیما حیدر کو اپنی فلم میں کام کرنے کی پیشکش پر جان سے مارنے کی دھمکیاں ملی ہیں۔ امیت جانی نے میرٹھ اور نوئیڈا پولیس سے شکایت کی ہے۔

 سیما حیدر کو حال ہی میں نونرمان سینا کے قومی صدر اور جانی خورد کے رہنے والے فلمساز امیت جانی کی جانب سے ایک فلم میں را ایجنٹ کے کردار کی پیشکش کی گئی تھی جسے سیما حیدر نے قبول کر لیا تھا۔

 فلمساز امیت جانی نے الزام لگایا کہ انہیں مونو مانیسر کے نام سے واٹس ایپ پر کال موصول ہوئی۔ جس میں اسے کہا گیا ہے کہ اگر اس نے سیما حیدر کو اپنی فلم میں کام دیا تو وہ اسے جان سے مار دیں گے۔

وہیں امت جانی نے بتایا کہ سماج وادی پارٹی کے لیڈر ابھیشیک سوم نے ان کی پروڈکشن میں بننے والی فلم اے ٹریلر مرڈر اسٹوری کی مخالفت کی ہے۔ اور ایس پی لیڈر کی طرف سے وارننگ دی گئی ہے کہ فلم کی شوٹنگ کی اجازت نہیں دی جائے گی۔ ایس پی لیڈر کا الزام ہے کہ امیت جانی ادے پور کے ایک درزی کنہیا لال کی زندگی پر اے ٹریلر مرڈر اسٹوری جیسی فلم بنا کر ماحول کو خراب کرنے کی سازش کر رہے ہیں۔ دو لوگوں کی طرف سے دھمکیاں ملنے کے بعد امیت جانی نے ٹویٹر پر میرٹھ اور نوئیڈا پولیس سے شکایت کی ہے۔ اور کہا کہ وہ ایسی دھمکیوں سے ڈرنے والے نہیں ہیں۔