مظفرنگر میں معمولی بات پر نوجوان نے کی خودکشی۔

مظفر نگر: عزیز الرحمن خاں۔

مظفرنگر جانسٹھ کے راج پور کالاں گاؤں میں ایک نوجوان نے معمولی بات پر درخت سے لٹک کر خودکشی کر لی ہے جس سے لواحقین میں کہرام مچا ہوا ہے۔

نوجوان یش (17) کی لاش گاؤں کے باہر مگن ویر کے آم کے باغ میں ایک درخت پر لٹکی ہوئی ملی۔ لاش کو دیکھ کر گاؤں والوں نے اس کے گھر والوں کو اطلاع دی تو اہل خانہ اور بہت سے گاؤں والے موقع پر پہنچ گئے۔

 گاؤں والوں کے مطابق بھائی اور بہن کے درمیان جھگڑے کے بعد یش اتوار کی شام بغیر بتائے گھر سے چلا گیا تھا۔ اس کے بعد صبح اس کی لاش درخت سے لٹکی ہوئی ملی۔ لواحقین نے کسی بھی قانونی کاروائی سے انکار کر تے ہوئے آخری رسومات ادا کردی ہیں۔