اب قیدی بھی بنیں گے ریڈیو جوکی، کانپور جیل کے ایس پی بی ڈی پانڈے نے بتایا کہ یہ جیل ریڈیو بالکل ایف ایم کی طرز پر چلایا جا ئے گا۔

مظفرنگر: عزیز الرحمن خاں۔

کانپور جیل میں اپنی نوعیت ایک انوکھا تجربہ شروع ہونے جارہا ہے ریڈیو ایف ایم تفریح کا ایک اچھا ذریعہ ہے۔ اس پر معلومات کے ساتھ گانے بھی سنتے ہیں۔ اب کانپور جیل کے قیدی بھی انہی معلومات اور گانوں سے لطف اندوز ہو سکیں گے۔  

اس کے تحت جیل ریڈیو کو قیدیوں کے ایڈریس سسٹم کا استعمال شروع کیا جا رہا ہے۔ اس کے تحت قیدی اپنے پسندیدہ گانے سن سکیں گے اور ساتھ ہی انہیں حکومت کی اسکیموں، خبروں اور کے بارے میں بھی معلومات فراہم کی جائیں گی۔ جیل کے ایس پی بی ڈی پانڈے نے بتایا کہ یہ جیل ریڈیو بالکل ایف ایم کی طرز پر چلایا جا سکتا ہے۔اس کے لیے ایف ایم کے مشہور آر جے کو بلایا جائے گا، جو یہاں کے قیدیوں کو آر جے بننے کی تربیت دیں گے۔ تربیت حاصل کرنے کے بعد وہی قیدی جیل ریڈیو میں آر جے کے طور پر کام کرے گا۔ جیل انتظامیہ بھی اس ریڈیو کے ذریعے اپنے احکامات جاری کر سکے گی۔ اس جیل ریڈیو کو یوم آزادی کے موقع پر شروع کرنے کا منصوبہ بنایا گیا ہے۔