ایک موٹر سائیکل پر سات سوار، ویڈیو وائرل ہوئی تو آئی آفت، پولیس نے دیا کاروائی کا حکم۔

مظفرنگر: عزیز الرحمن خاں۔

اتر پردیش کے ہاپوڑ سے ایک ویڈیو وائرل ہو رہا ہے جس میں سات افراد موٹر سائیکل پر سوار نظر آ رہے ہیں۔ نہ قانون کا خوف ہے اور نہ ہی جان کا خوف، یہ لڑکے اپنی جان خطرے میں ڈال کر موٹر سائیکل پر سوار ہو رہے ہیں۔کار پر سوار کچھ لوگوں نے لڑکوں کی ویڈیو بنائی جو کہ اب وائرل ہو رہی ہے۔

 ویڈیو ہاپوڑ ضلع کے تھانہ علاقہ کے کاٹھی کھیڑا کا بتایا جا رہا ہے۔ لوگوں نے جب کاٹھی کھیڑا روڈ پر سات لڑکوں کو بائک پر سوار ہوتے دیکھا تو وہ حیران رہ گئے۔ بائیک پر کل چھ لوگ بیٹھے ہیں، جب کہ ایک لڑکا کھڑا دکھائی دے رہا ہے۔ کار میں موجود شخص نے اس کی ویڈیو بنائی، جو وائرل ہوگئی۔ کچھ لوگوں نے پولیس سے شکایت کی ہے۔ ویڈیو کا نوٹس لیتے ہوئے یوپی پولیس نے بھی کارروائی کرنے کا حکم دیا ہے۔