مرکزی کابینہ میں ۳۳ فیصد خواتین ریزرویشن بل کو منظوری، پارلیمنٹ کے خصوصی سیشن کے درمیان مودی حکومت کا بڑا فیصلہ۔

نئی دہلی: پیر کی شام کو ہوئی مرکزی کابینہ کی میٹنگ میں پارلیمنٹ میں 33 فیصد خواتین ریزرویشن بل کو منظوری دے دی گئی ہے۔ ذرائع کے مطابق وزیر اعظم نریندر مودی کی قیادت میں ڈیڑھ گھنٹے تک جاری رہنے والی کابینہ کی میٹنگ میں یہ فیصلہ لیا گیا۔ ذرائع کے مطابق خواتین ریزرویشن بل رواں ہفتے بدھ کو پارلیمنٹ کے خصوصی اجلاس کے دوران پیش کیے جانے کا امکان ہے۔

ذرائع نے یہ بھی بتایا کہ بھارتیہ جنتا پارٹی (بی جے پی) خواتین ریزرویشن بل کی منظوری کے لیے پی ایم مودی کا شکریہ ادا کرنے کے لیے دہلی-این سی آر سے ہزاروں خواتین کو دہلی لانے کا منصوبہ بنا رہی ہے۔

اس دوران کانگریس نے خواتین ریزرویشن بل پر کابینہ کے فیصلے پر خوشی کا اظہار کیا ہے۔ پارٹی کے سینئر لیڈر جے رام رمیش نے کہا، “کانگریس پارٹی طویل عرصے سے خواتین کے ریزرویشن کو نافذ کرنے کا مطالبہ کر رہی ہے۔ " ہم مبینہ طور پر سامنے آنے والے مرکزی کابینہ کے فیصلے کا خیرمقدم کرتے ہیں اور بل کی تفصیلات کے منتظر ہیں۔" ان کا مزید کہنا تھا کہ ’خصوصی اجلاس سے قبل آل پارٹی میٹنگ میں اس پر اچھی طرح بحث کی جا سکتی تھی اور پس پردہ سیاست کی بجائے اتفاق رائے ہو سکتا تھا۔

You May Like

Learning Healthcare Administration In Mexico Might Be Easier Than You Think!

Health Science Programs | Search ads

  by Taboola Sponsored Links 

IND vs AUS: آسٹریلیا کے خلاف سیریز کے لیے ٹیم انڈیا کا اعلان، اشون نے کی واپسی، کپتان بھی بدلا

پاکستان کو وارننگ، سرحد پار سے دراندازی پر مرکز نے اپنایا سخت موقف، کہا- سبھی آپشن کھلے ہیں

آل پارٹی اجلاس میں خواتین ریزرویشن بل پر دیا گیا زور

درحقیقت حکومت کی طرف سے اتوار کو بلائی گئی آل پارٹی میٹنگ کے دوران اپوزیشن اتحاد 'انڈیا' سمیت نیشنل ڈیموکریٹک الائنس (این ڈی اے) کی کئی جماعتوں نے سیشن میں خواتین ریزرویشن بل کو پاس کرانے کی پرزور وکالت کی تھی، جس پر مرکزی حکومت نے کہا تھا کہ وہ مناسب وقت پر فیصلہ لے گی۔

تمام جماعتوں نے اٹھائی تھی خواتین ریزرویشن بل کی مانگ

میٹنگ میں لوک سبھا اور ریاستی اسمبلیوں جیسے منتخب اداروں میں خواتین کے ریزرویشن کی پرزور وکالت کی گئی تھی۔ بھارتیہ جنتا پارٹی (بی جے پی) کی اتحادی اور نیشنلسٹ کانگریس پارٹی (این سی پی) کے رہنما پرفل پٹیل نے اس مطالبے میں کانگریس اور اس کے اتحادیوں کی حمایت کی۔ یہی نہیں، بھارت راشٹرا سمیتی (بی آر ایس)، تیلگو دیشم پارٹی (ٹی ڈی پی) اور بیجو جنتا دل (بی جے ڈی) نے پارلیمنٹ کی کارروائی کو نئی عمارت میں منتقل کرنے کے اہم موقع پر خواتین ریزرویشن بل کو پاس کرکے تاریخ رقم کرنے پر زور دیا۔

میٹنگ کے دوران، ترنمول کانگریس نے مغربی بنگال کی حکمراں جماعت میں خواتین ایم پیز کی نسبتاً بڑی تعداد کو نوٹ کیا اور خواتین کے ریزرویشن کے بل کی ضرورت کی حمایت کی۔ آل پارٹی میٹنگ کے بعد بی جے ڈی لیڈر پنکی مشرا نے کہا تھا کہ پارلیمنٹ کی نئی عمارت کے ساتھ ایک نئے دور کا آغاز ہونا چاہئے اور خواتین ریزرویشن بل پاس ہونا چاہئے۔ انہوں نے کہا کہ اوڈیشہ کے وزیر اعلی نوین پٹنائک اس خیال کے بڑے حامی ہیں۔ این سی پی لیڈر پٹیل نے کہا تھا کہ انہیں امید ہے کہ یہ بل اتفاق رائے سے منظور ہو جائے گا اور ذرائع کا کہنا ہے کہ مرکزی کابینہ کی میٹنگ میں خواتین ریزرویشن بل کو منظوری دے دی گئی ہے۔