دہلی میں مظفر نگر روڈ ویز کی بسوں کے داخلے پر پابندی سے مسافر پریشان، روڈویز حکام نے محکمہ سے کیا بڑا مطالبہ۔

مظفر نگر: عزیز الرحمن خاں۔

دھلی میں بڑھتی ہوئی آلودگی کی وجہ سے مظفر نگر اور کھتولی سے سینکڑوں بسوں کی دھلی میں داخلے پر پابندی لگا دی گئی ہے، جس کی وجہ سے مسافروں کو کافی پریشانیوں کا سامنا کرنا پڑ رہا ہے۔ اس مسئلے کے حل کے لیے روڈویز حکام نے بڑا قدم اٹھاتے ہوئے محکمہ سے بڑا مطالبہ کیا ہے۔

دہلی میں BS-4 

بسوں کے داخلے نہ ہونے کے بعد مسافروں کو پیش آنے والی پریشانیوں کے پیش نظر، محکمہ ٹرانسپورٹ نے انتظامات کرنے کے لیے اعلیٰ حکام کو چالیس بسوں کا مطالبہ نامہ بھیجا ہے۔ کیونکہ دسہرہ کے تہوار کی وجہ سے بسوں میں مسافروں کی بھیڑ بڑھے گی اور پھر محکمہ ٹرانسپورٹ کو بھی پریشانی کا سامنا کرنا پڑے گا۔

بڑھتی ہوئی آلودگی کے پیش نظر دہلی حکومت نے دہلی میں غیر ریاستوں سے آنے والی روڈ ویز بسوں کے آپریشن کو سنجیدگی سے لیا ہے۔ اس کی وجہ سے دہلی میں

 BS-4 

ڈیزل بسوں کے داخلے پر پابندی لگاتے ہوئے صرف

 BS-6

بسوں کو ہی داخل ہونے کی اجازت دی گئی ہے۔

جس کی وجہ سے ٹرانسپورٹ کارپوریشن کے کھتولی ڈپو کی 22 بسوں اور مظفر نگر ڈپو کی 103 بسوں کے دہلی جانے پر پابندی لگا دی گئی ہے۔ جس سے مسافروں کو پریشانی کا سامنا کرنا پڑا۔ دہلی جانے والی بسوں میں مسافروں کی بھیڑ بڑھ گئی ہے۔ کچھ مسافر پہلے لونی بارڈر، موہن نگر، کوشامبی پہنچنے کے بعد دوسری گاڑی میں دہلی پہنچ رہے ہیں۔

اس مسئلہ کو دیکھتے ہوئے نظام کو بہتر بنانے کے لیے مظفر نگر اور کھتولی ڈپو کے عہدیداروں نے چالیس بسوں کا مطالبہ نامہ بھیج کر عہدیداروں کو نئی

 BS-6 

بسیں دلوانے کا مطالبہ کیا ہے۔ دسہرہ کے تہوار کے بعد دیوالی اور چھٹھ پوجا کی وجہ سے بسوں میں مسافروں کی بھیڑ بڑھے گی، تہواروں سے قبل بسوں کے انتظامات نہ کیے گئے تو مسافروں کو پریشانی کا سامنا کرنا پڑے گا۔