اقلیتی کانگریس سیل مظفر نگر نے پھلت میں مغل بادشاہ بہادر شاہ ظفر کا یوم پیدائش منایا۔

مظفرنگر: عزیز الرحمن۔

اتر پردیش اقلیتی کانگریس کے ریاستی صدر شاہنواز عالم کی ہدایت پر مغل بادشاہ بہادر شاہ ظفر کا یوم پیدائش پھلت میں اقلیتی کانگریس سیل مظفر نگر کے ضلع صدر حکیم ظفر محمود کی رہائش گاہ پر منایا گیا۔ موقع پر حکیم ظفر محمود نے بہادر شاہ ظفر کی زندگی پر روشنی ڈالتے ہوئے کہا کہ بہادر شاہ ظفر 24 اکتوبر 1775 کو پیدا ہوئے، جب وہ دہلی کے تخت پر بیٹھے تو ہندوستان پر انگریزوں کا قبضہ شروع ہو چکا تھا۔1857 میں انقلاب میں جب آزادی کی جدوجہد شروع ہوئی تو اس کی قیادت بہادر شاہ ظفر نے کی لیکن ملک کے کچھ غداروں کی وجہ سے وہ شکست دوچار ہوگئے تھے جب انگریزوں نے اسے گرفتار کیا اور اس کے بیٹوں کے سر کاٹ کر پلیٹ میں رکھ کر اس کے پاس بھیجے تو اس نے کہا کہ مغل خاندان کے بیٹے اسی طرح اپنے باپ کے سامنے آتے ہیں، اسے اپنے ملک کی مٹی سے بہت پیار تھا۔ ، انگریزوں نے انہیں جلاوطن کر کے رنگون بھیج دیا تھا جہاں انکا انتقال 7 نومبر 1862 کو ہوا۔ اس وقت بھی وہ ہندوستان کو یاد کرتے رہے اس موقع پر بنیادی طور پر فیروز الرحمن، سلیم ملک، شکیل ملک، شاہد قاضی، برج بھوشن شرما، طارق احمد، فیض محمد خان، غفار تیاگی، سردار فاروقی، محمد سرتاج موجود تھے۔