بیوہ کی محبت میں پاگل نوجوان نے خود کو تھانے کے سامنے آگ لگائی، محکمہ پولس میں مچی کھلبلی۔

مظفرنگر: عزیز الرحمن خاں۔

شاملی میں ایک نوجوان نے خواتین تھانے کے گیٹ کے قریب پہنچ کر خود پر ڈیزل چھڑک کر آگ لگا لی۔ اس کے بعد وہ تھانے کی طرف بڑھنے لگا۔ شور مچانے پر مہیلا تھانہ اور آس پاس کے لوگ دوڑ پڑے۔ انہوں نے کمبل اور دیگر طریقوں سے آگ بجھانے کی کوشش کی جس میں کامیاب نہ ہو سکے قریب ہی واقع فائر ڈیپارٹمنٹ کے عملے نے آکر آگ پر قابو پالیا۔ اس کے بعد نوجوان کو تشویشناک حالت میں شاملی سی ایچ سی میں داخل کرایا گیا، جہاں ڈاکٹروں نے اسے میرٹھ میڈیکل کالج ریفر کر دیا۔ اس سے پہلے اے ایس پی او پی سنگھ نے نوجوانوں سے بات کی اور ایس ڈی ایم صدر ونے پرتاپ نے بیانات قلمبند کئے۔

اے ایس پی نے بتایا کہ نوجوان 27 سالہ ونے کمار ولد جیویر سنگھ ساکن عثمان پور تھان کا تالاب روڈ کی رہائشی بیوہ خاتون کومل سے معاشقہ چل رہا تھا۔ اب اس نے شادی سے انکار کر دیا۔

خاتون نے چھیڑ چھاڑ کا الزام لگاتے ہوئے پولیس اسٹیشن میں شکایت درج کرانے کی بات کہی تھی۔ جوکہ خواتین پولیس اسٹیشن کے سامنے کام کرتی ہے، جہاں نوجوان پیر کی شام خاتون سے ملنے آیا تھا۔ دونوں کے درمیان کسی بات پر جھگڑا ہوا جس کے بعد اس نے خودکشی کی کوشش کی۔ بعد میں ایس ایس پی ابھیشیک بھی پہنچ گئے۔ ڈاکٹروں کے مطابق نوجوان 70 سے 80 فیصد جھلس چکا ہے ذرائع کے مطابق ونے اور خاتون طویل عرصے سے دوست ہیں۔ عورت نے قرض کی وجہ سے ونے سے شادی کرنے سے انکار کر دیا تھا، جب کہ ونے شادی پر اٹل تھا۔ اسی بات پر دونوں کے درمیان جھگڑا ہوا اور ونے نے خودکشی کرنے کی کوشش کی۔