مالیگائوں کے سنیما گھرمیں پٹاخے پھوڑنے کا ویڈیو وائرل، سلمان خان کے مسلم شائقین کی طوفان بدتمیزی، مسلم اکثریتی علاقے کا نام بدنام۔

مالیگائوں: بالی ووڈ اداکار سلمان خان کی فلم ٹائیگر تھری کا مداح کافی عرصے سے انتظار کر رہے تھے۔ فلم دیوالی کے موقع پر سینما گھروں میں ریلیز کی گئی۔ جس کے بعد بالی ووڈ کے سلطان سلمان خان کے حامی جشن منانے کے لیے سینما گھروں میں جمع ہوگئے۔ فلم دیکھ کر اپنے ہیرو کے کچھ مسلم حامی اتنے خوش ہوئے کہ انہوں نے طوفان بدتمیزی کا مظاہرہ کرتے ہوئے سینما ہال میں ہی آتش بازی شروع کردی۔ جس سے مسلم اکثریتی علاقے کا نام خوب بدنام ہورہا ہے۔ اس دوران کسی نے آتش بازی کی ویڈیو بنا کر سوشل میڈیا پر پوسٹ کر دی۔ اب یہ ویڈیو وائرل ہو رہا ہے۔سنیما ہال میں پٹاخے پھوڑنے کی ویڈیو جو سوشل میڈیا پر وائرل ہو رہی ہے، کہا جا رہا ہے کہ یہ مہاراشٹر کا ہے۔ ناسک کے مالیگاؤں میں واقع ایک تھیٹر کا ایک ویڈیو دکھایا جا رہا ہے۔ ویڈیو میں دیکھا جا سکتا ہے کہ مداح سینما ہال میں سلمان خان کی فلم دیکھتے ہوئے پٹاخے پھوڑ رہے ہیں۔ ویڈیو میں یہ بھی دیکھا جا سکتا ہے کہ کچھ شائقین آتش بازی کے کچھ دیر بعد محفوظ مقامات کی طرف بھاگ رہے ہیں۔ویڈیو وائرل ہونے کے بعد پولیس نے سخت کارروائی کی ہے۔ ویڈیو وائرل ہونے کے بعد پولیس نے معاملے کی تفتیش شروع کر دی ہے۔ مالیگاؤں کے موہن تھیٹر کے خلاف بھی کنٹونمنٹ تھانے میں کیس درج کیا گیا ہے۔ پولیس نے دو افراد کو حراست میں لے کر پوچھ گچھ شروع کر دی ہے۔ معلومات کے مطابق، صرف مالیگاؤں میں ہی نہیں، سلمان کے مداحوں نے کئی تھیٹروں میں راکٹ اور پٹاخے برسائے ہیں۔ یہ ویڈیو سوشل میڈیا پر اپ لوڈ ہوتے ہی وائرل ہونا شروع ہو گئی۔ صارفین اس ویڈیو پر تبصرے کر رہے ہیں اور اسے شیئر کر رہے ہیں۔بتادیں کہ ٹائیگر تھری ایک ایکشن تھرلر فلم ہے جس کی ہدایت کاری منیش شرما نے کی ہے۔ جس میں اداکار سلمان خان، عمران ہاشمی اور کٹرینہ کیف مرکزی کردار ادا کر رہے ہیں۔ یہ فلم ٹائیگر فرنچائز کا تیسرا حصہ ہے۔ اس کے ساتھ یہ فلم اسپائی یونیورس کی پانچویں قسط ہے۔ فلم ٹائیگر 3 میں کمود مشرا، رنویر شورے اور عامر بشیر، وشال جیٹھوا، ریوتی، ردھی ڈوگرا اور سمرن نے مرکزی کردار ادا کیے ہیں۔