مظفرنگر میں المناک حادثہ، ہریدوار سیاحت کے لئے گئے دھلی کے ۶ دوستوں کی دردناک موت، کار کے پرخچے اڑے، اہل خانہ پر غم کا پہاڑ ٹوٹ پڑا۔

مظفر نگر:  عزیز الرحمن خاں۔

مظفرنگر میں ایک المناک حادثے میں چھ دوستوں کی دردناک موت ہو گئی ہے۔ یہاں دہلی-دہرا دون ہائی وے پر چھپار کے قریب ایک تیز رفتار کار پیچھے سے 22 ٹن وزنی ٹرک سے ٹکرا گئی۔ حادثہ ہوتے ہی کار میں سوار دوستوں میں چیخ و پکار مچ گئی۔ راہگیروں کی اطلاع پر پولیس نے موقع پر پہنچ کر واقعہ کی معلومات حاصل کیں۔ کافی کوشش کے بعد پولیس نے لاشوں کو گاڑی سے نکال کر پوسٹ مارٹم کے لیے بھیج دیا۔ حادثے کی اطلاع ملتے ہی اہل خانہ میں کہرام مچ گیا۔

 پولیس ذرائع کے مطابق منگل کی صبح تقریباً 4 بجے ایک 22 ٹائرا ٹرک نمبر

PB10ES 6377

 مظفر نگر سے ہریدوار کی طرف جا رہا تھا۔ یہاں چھپار کے قریب سیاز کار نمبر

 DL2CBD/8302 

پیچھے سے ٹرک سے ٹکرا گئی۔ حادثے میں کار کو بری طرح نقصان پہنچا۔ کار کو کرین کی مدد سے اور کار کے اندر موجود لوگوں کو باہر نکالا گیا تاہم سب ہلاک ہو چکے تھے۔پولیس کا کہنا ہے کہ متوفی دہلی شاہدرہ کے رہائشی ہیں، سب آپس میں دوست تھے۔ مرنے والوں میں شیوم ولد یوگیندر تیاگی، پارش ولد دیپک شرما، کنال ولد نوین شرما، دھیرج، وشال اور ایک اور دوست شامل ہیں۔