مظفرنگر میں جی بی نیشنل ہارٹ انسٹی ٹیوٹ نے پہلی کیتھ لیب قائم کی، امراضِ قلب کا علاج ہوگا سستا: سی ای او ڈاکٹر ارشد اقبال۔

مظفر نگر: عزیز الرحمن خاں۔

مظفرنگر کے موضع تاولی میں جی بی نیشنل ہارٹ انسٹی ٹیوٹ سواتی ہسپتال میں پہلی انجیوگرافی کامیابی کے ساتھ کی گئی۔ سی ای او ڈاکٹر ارشد اقبال نے کہا کہ پہلی دو انجیوگرافیاں ڈاکٹر سید اختر منظور اور ان کی ٹیم نے کامیابی سے کیں۔ جی بی نیشنل ہارٹ انسٹی ٹیوٹ کی جانب سے پہلی کیتھلیب تاولی شاہ پور کے علاقے میں قائم کی گئی ہے جہاں دل کے تمام امراض جیسے انجیوگرافی، انجیو پلاسٹی، سٹینٹنگ بیلوننگ، پیس میکر، ہارٹ ہول وغیرہ کا علاج انتہائی کم اور سستے نرخوں پر کیا جا رہا ہے۔ اس اہم موقع پر سواتی میڈیکل کالج کے صدر ڈاکٹر محمد لقمان نے پہلی انجیو گرافی پر مبارکباد دی۔ اس موقع پر بنیادی طور پر ڈاکٹر محمد واجد، شاہ رخ، اکشت تائل، محمد نوید، انجلی نرس، ثمر وغیرہ موجود تھے۔