مظفر نگر میں پڑوسن کے ہاتھوں ۵ سالہ بچے کا قتل، پولیس نے کیا سنسنی خیز انکشاف.

 مظفر نگر: عزیز الرحمن خاں۔ 

مظفرنگر کے تھانہ ککرولی کے گاؤں تیوڑا کے ارسلان قتل کیس کا معمہ پولس نے حل کر لیا ہے۔ پولیس تفتیش میں معلوم ہوا کہ ارسلان کو پڑوسی خاتون نے قتل کیا تھا۔ بتایا گیا کہ ملزم خاتون تانترک سرگرمیوں میں ملوث ہے۔

موصولہ اطلاعات کے مطابق ملزم خاتون باہر کے لوگوں سے ملنے آتی رہتی ہے۔ جس کی وجہ سے مقتول ارسلان کی والدہ نے مقتولہ خاتون کو دو تین بار گھر سے نکال دیا تھا۔

اسی رنجش کے باعث 11 نومبر کو ملزم آصفہ نے پانچ سالہ ارسلان کو گلی میں کھیلتے ہوئے کپڑے کی رسی سے گلا دبا کر قتل کر دیا۔ اس کے بعد بچے کی لاش کو گڑھا کھود کر دفنانے کی کوشش کی گئی۔ لیکن وہ کامیاب نہ ہو سکی۔

 ملزم خاتون نے ارسلان کی لاش گھر سے 100 میٹر دور ایک تالاب کے کنارے پھینک دی تھی۔ اس کے بعد تیز بدبو کی وجہ سے خاتون کو پکڑے جانے کا ڈر لگا رہتا تھا۔

دریں اثنا، 13 نومبر کی شام، پولیس نے لاپتہ ارسلان کی لاش تالاب کے کنارے پلاسٹک کے تھیلے سے برآمد کی۔  

بتایا گیا کہ پڑوسی خاتون آصفہ کے نہ پہنچنے پر پولیس کو شک ہوا۔ اس کے بعد پولیس نے خاتون کو حراست میں لے کر دو دن تک پوچھ گچھ کی تو ملزم خاتون نے قتل کا راز کھول دیا۔ خاتون کو اغوا اور قتل کے الزام میں جیل بھیج دیا گیا ہے۔