جوبلی ہلز سے محمد اظہرالدین چنائوہار گئے، سابق ہندوستانی کرکٹرکو بی آر ایس امیدوار نے شکست دی۔

حیدرآباد: تلنگانہ کی جوبلی ہلز اسمبلی الیکشن پر سابق ہندوستانی کرکٹ ٹیم کے کپتان محمد اظہرالدین انتخاب ہار گئے ہیں۔ ۲۶ ویں رائونڈ کے بعد محمد اظہرالدین کو کل ۶۲ ہزار ۳۴۳ ووٹ ملے، انہیں کے سی آر کی پارٹی بی آر ایس کے امیدوار منگانتھی گوپی ناتھ نے مات دی۔ گوپی ناتھ ۱۵ ہزار ۹۳۹ ووٹوں سے انہیں شکست دے دی۔ بی جے پی کے لانکالا دیپک ریڈی ۲۵ ہزار ۸۳ ووٹ لاکر تیسرے نمبر پر رہے۔ جوبلی ہلز اسمبلی سیٹ تلنگانہ ریاست کی اہمیت کی حامل سیٹ ہے، جہاں ۲۰۱۸ میں تلنگانہ راشٹر سمیتی نے جیت درج کی تھی، جوبلزی ہلس اسمبلی سیٹ تلنگانہ حیدرآباد ضلع میں آتی ہے، ۲۰۱۸ میں جوبلی ہلز میں کل ۴۴ فیصد ووٹ پڑے، ۲۰۱۸ میں تلنگانہ راشٹریہ سمیتی سے گوپی ناتھ نے آئی این سی کے پی وشنو وردھن کو ۱۶ ووٹوں سے شکست دی تھی۔