مظفر نگر میں دم گھٹنے سے دو سالہ بچے کی موت، تین کی حالت تشویشناک، کمرے میں ہیٹر لگا کر سو رہے تھے۔

مظفر نگر: عزیز الرحمن خاں۔

مظفرنگر ضلع میں شدید سردی کی وجہ سے ایک خاندان کو کمرے ہیٹر لگا کر سونا زحمت بن گیا روم ہیٹر جلنے سے کمرے میں آکسیجن کی کمی تھی جس کے باعث ایک بچہ موقع پر ہی دم توڑ گیا جبکہ شوہر، بیوی اور دوسرے بچے کی حالت تشویشناک ہے، خاندان کے تینوں افراد کو ضلع اسپتال میں داخل کرایا گیا ہے۔ جہاں ان کا علاج جاری ہے۔ تھانہ سول لائن کے علاقے ندھی کالونی کا رہائشی وسیم اپنی بیوی افسانہ، 5 سالہ بیٹی علما 2 سالہ بیٹا امان کے ساتھ گھر میں سو رہا تھا۔۔گھر میں روم کا ہیٹر آن رکھا ہوا تھا۔جس کی وجہ سے گھر میں آکسیجن کی کمی تھی جس کے باعث روم ہیٹر لگنے سے 2 سالہ بیٹا امان جاں بحق جبکہ وسیم افسانہ اور علما بے ہوش ہو گئے۔ دوپہر تک گھر میں کوئی حرکت نہیں ہوئی، وسیم کے پڑوسی اس کے گھر گئے اور اسے دیکھا تو وہ ہوش کھو بیٹھا۔پڑوسیوں نے معاملے کی اطلاع سول لائن تھانے کو دی تو سول لائن تھانے کے انچارج سنجے سنگھ پولیس فورس کے ساتھ موقع پر پہنچے، جنہوں نے وسیم اور اس کے اہل خانہ کو تشویشناک حالت میں ضلع اسپتال میں داخل کرایا، جہاں ان کی حالت بہتر بتائی جا رہی ہے۔