اسد الدین اویسی کا بڑا دعویٰ، مودی کے وزیر اعظم بننے کے بعد ایک لاکھ ۸۰ ہزار مسلمان اعلیٰ تعلیم سے محروم، مسلمان کے لئے ہٹلر شاہی دور، بولے، درگاہ پر تو چادر چڑھارہے لیکن ہماری بچیوں کے سروں سے حجاب چھین رہے۔

اکولا: آل انڈیا مجلس اتحاد المسلمین (اے آئی ایم آئی ایم)صدراور ممبر پارلیمنٹ نےاسدالدین اویسی نے کہا ہےکہ جب سے نریندر مودی ملک کے وزیر اعظم بنے ہیں، 1 لاکھ 80 ہزار مسلمان اعلیٰ تعلیم سے محروم کر دیئے گیے۔ انہوں نے کہا کہ وزیر اعظم اور ان کی پارٹی کہتی ہے کہ 22 جنوری اس ملک کا تاریخی دن تھا، میں نے پارلیمنٹ میں یہ بات کہی کہ اگر 22 جنوری تاریخی دن تھا تو اس کی بنیاد 6 دسمبر 1992 کو رکھی گئی تھی۔ اسد الدین اویسی نے کہا کہ ’’سپریم کورٹ نے ’آستھا‘ کی بنیاد پر فیصلہ دے کر پورے ملک کو یہ پیغام دیا ہے کہ آستھا بڑی ہے اور ثبوتوں کو نہیں دیکھا جائے گا۔ انہوں نے کہا کہ ’’رائٹ ٹو ریلیجن (مذہب کا حق) ہندوستان کی آئین میں دیا گیا ہے ایک حق ہے اور بی جے پی و آر ایس ایس یہ چاہتی ہیں کہ یہ ہم سے چھین لیا جائے۔

نیوز پورٹل ’اے بی پی‘ کی خبر کے مطابق نے پی ایم مودی پر حملہ کرتے ہوئے کہا ہے کہ یہ کونسی محبت ہے کہ آپ خواجہ اجمیری کی درگاہ پر تو چادر چڑھائیں گے لیکن ہماری بچیوں کے سروں سے حجاب چھین لیں گے۔ اویسی نے کہا کہ دہلی میں ایک 500 سال پرانی مسجد کو بغیر کسی نوٹس کے شہید کر دیا گیا۔ آج ہم دیکھ رہے ہیں کہ گیانواپی مسجد میں کیا ہو رہا ہے۔ اس لیے آپ سے یہ اپیل ہے کہ مساجد کو آباد رکھیں۔ اسد الدین اویسی نے مہاراشٹر کے اکولا میں ایک ریلی سے خطاب کرتے ہوئے وزیر اعظم مودی پر تنقید کرتے ہوئے کہا کہ ’’ جو بات میں نے پارلیمنٹ میں کہی تھی وہی بات میں آج یہاں آپ لوگوں کے سامنے کہتا ہوں کہ آج بھارت کے مسلمان اپنے آپ کو بالکل ویسا ہی محسوس کر رہے ہیں جیسا ہٹلر کے زمانے میں یہودی محسوس کرتےتھے۔