یوپی کی ۱۷ سیٹوں پر لوک سبھا الیکشن لڑے گی کانگریس، سما جوادی پارٹی کے ساتھ طے پایا معاہدہ۔

لکھنؤ: طویل کھینچ تان کے بعد بدھ کو سماجوادی پارٹی اور کانگریس کے درمیان انڈیا اتحاد کے تحت معاہدہ طے پا گیا ہے۔ یو پی کی 80 لوک سیٹوں میں سے کانگرس کو رائے بریلی اور امیٹھی سمیت 17 سیٹیں ملی ہیں۔ کانگرس 17 سیٹوں پر اپنے امیدوار اتارے گی، جبکہ 63 سے سیٹوں پر سماجوادی پارٹی اور اس کی اتحادی پارٹیاں اپنے امیدوار کھڑے کریں گے۔ 

اتر پردیش کانگریس کے انچارج اویناش پانڈے نے بدھ کو اعلان کیا ہے کہ یوپی کی لوک سبھا سیٹوں کو لے کر کانگریس اور سماج وادی پارٹی کے درمیان ایک معاہدہ طے پا گیا ہے۔ اویناش پانڈے نے کہا ہے کہ کانگریس 17 سیٹوں پر الیکشن لڑے گی جبکہ باقی 63 سیٹوں سے انڈیا الائنس کے امیدوار ہوں گے جس میں سماج وادی پارٹی اور دیگر پارٹیاں شامل ہیں۔ اس کے ساتھ ہی سماج وادی پارٹی کے لیڈر راجندر چودھری نے کہا ہے کہ یہ ہندوستان کو بچانے کا پیغام ہے جو پورے ملک میں جا رہا ہے۔

انہوں نے کہا، "اتر پردیش میں لوک سبھا کی 80 سیٹیں ہیں اور شروع سے ہی قومی صدر اکھلیش یادو نے کہا ہے کہ یہ اتر پردیش سے ہی ہے کہ 2014 میں مرکز میں بی جے پی کی حکومت آئی اور 2024 میں، بی جے پی چلے گی۔ یہیں سے اقتدار سے واپس لوٹنا۔"

 کانگریس کی 17 سیٹیں

 رائے بریلی، امیٹھی، کانپور نگر، فتح پور سیکری۔ بانسگاؤں، سہارنپور، پریاگ راج، مہاراج گنج، وارانسی، امروہہ، جھانسی، بلندشہر، غازی آباد، متھرا، سیتا پور، بارہ بنکی اور دیوریا شامل ہے۔