ہندو لڑکے کا جبراً شادی پر اصرار، مسلم لڑکی کو زندہ جلانے کی کوشش۔

حیدرآباد ۔۱۳؍ فروری: تلنگانہ کے حضور نگر میں گزشتہ روز ایک دل دہلانے والا واقعہ پیش آیا جہاں سر عام ایک شخص نے برقع پوش مسلم لڑکی پر پٹرول چھڑ ک دیا اور آگ لگانے کی کوشش کی تاہم مقامی لوگوں کی وجہ سے خاتون کی جان بچ گئی۔ تفصیلات کے مطابق پیر ۱۰ فروری کو حضور نگر میں سندر پرمود نامی شخص نے ایک برقع پوش خاتون کو داڑ کے قریب سرعام مبینہ طور پر پٹرول چھڑ کر زندہ جلانے کی کوشش کی۔ جس کا ویڈیو سوشل میڈیا پر وائرل ہے۔ میڈیا رپورٹ کے مطابق حضور نگر ایس آئی جی متھیا نے بتایا کہ کھمم کی ۲۳ سالہ لڑکی گزشتہ تین ماہ سے سوریہ پیٹ ضلع کے حضور نگر میں اپنے چچا کے پاس رہ رہی ہے، وہ کوداڑ کے قریب ایک دفتر میں ملازمت کررہی ہے، لڑکی کے آبائی گائوں کا سندر پرمود کچھ روز سے اسے زبردستی شادی کرنے پر مجبور کررہا تھا، پیر کے روز پرمود نے دفتر کے سا منے خاتون پر پٹرول سے حملہ کرکے مبینہ طو رپر زندہ جلانے کی کوشش کی، یہ سارا واقعہ سی سی ٹی وی فوٹیج میں قید ہوگیا۔ اس دوران مقامی لوگوں نے مداخلت کرتے ہوئے خاتون کی جان بچالی اور سندر پرمود کو پولس کے حوالے کردیا، لڑکی نے سندر پرمود کے خلاف جان سے مارنے کی کوشش کا الزام عائد کرتے ہوئے حضور نگر پولس میں شکایت درج کرائی ہے۔