ریاستی وزیر نے لیا کسانوں کی تباہ شدہ فصلوں کا جائزہ، حکومت سے معاوضہ کی یقین دہانی، راحت چوپال کے تحت سیلاب متاثرین کے درمیان فوڈ کٹس تقسیم۔

دیوبند: سمیر چودھری۔

پہاڑی اور میدانی علاقوں میں ہونے والی زبردست بارش کے باعث دریائے کناروں پر واقع درجنوں دیہاتوں کی ہزاروں بیگھے پر کھڑی فصلیں ہنڈن میں طغیانی سے مکمل طور پر تباہ ہوگئیں۔ دوسری طرف، پیر کی صبح ریاستی وزیر برائے تعمیرات عامہ کوور برجیش سنگھ نے سیلاب سے متاثر کسانوں کو ہونے والے نقصان کا جائزہ لیا۔ انہوں نے متاثرہ کسانوں کو یقین دہانی کرائی کہ حکومت کی طرف سے مناسب معاوضہ فراہم کیا جائے گا۔اس دوران ریاستی وزیر اور ایس ڈی ایم دیوبند و رام پور منیہاران نے ریاستی حکومت کی ہدایت پر سیلاب سے متاثرہ علاقے میں راحت چوپال کے تحت سیلاب سے متعلق امدادی سامان تقسیم کیا گیا۔ ایس ڈی ایم نے سیلاب سے متاثرہ لوگوں میں فوڈ کٹس تقسیم کیں۔علاقہ کے بڑگاو ¿ں، شبیر پور، مہیش پور، شملانہ، چراو ¿، بہیڈا، ننہیڑہ وغیرہ گاو ¿ں سے ملحقہ ہنڈن ندی میں تیز بارش کی وجہ سے کئی فٹ پانی دریا کے کنارے آباد کئی دیہی مواضعات کے گھروں اور کھیتوں میں بھرگیا،جس ہزاروں بیگھے پر کھڑی فصلیں مکمل طور پر تباہ ہو چکی ہیں۔ جس کے بعد آج ریاستی وزیر کوور برجیش سنگھ افسران کی ٹیم کے ساتھ ندی کے کنارے واقع علاقے میں پہنچ گئے۔ گاو ¿ں والوں کو ساتھ لے کر ریاستی وزیر کوور برجیش سنگھ خود ہنڈن ندی کے پانی میں اتر گئے۔ انہوں نے ہنڈن کے دونوں کناروں پر سیلاب سے تباہ ہونے والی فصلوں کا قریب سے جائزہ لیا۔ وزیر مملکت نے کہا کہ وہ فصل کا تخمینہ لگانے کے بعد حکومت سے مناسب معاوضہ حاصل کرنے کی کوشش کریں گے۔انہوں نے کہا کہ کئی فٹ اونچے سیلابی پانی نے دریائے ہندن کے دونوں کناروں پر 2-5 کلومیٹر تک کھیتوں کو بھر دیا ہے۔ مہیش پور، شملانہ، چراو ¿، بہیڈا وغیرہ دیہات میں کسانوں کی ہزاروں بیگھہ فصلیں مکمل طور پر تباہ ہوگئیں۔انہوں نے بتایا کہ دریا کے کنارے آباد دیگر کئی دیہاتوں کی بھی یہی حالت ہے۔ وزیر مملکت نے کہا کہ سیلاب سے متاثرہ کسانوں کو مناسب معاوضہ دیا جائے گا۔ انہوں نے بتایا کہ سیلاب کی وجہ سے کئی رابطہ کے راستے مکمل طور پر تباہ ہو گئے ہیں۔ بارشوں کے بعد انہیں دوبارہ تعمیر کیا جائے گا۔وہیں علاقہ کے گاو ¿ں جھکوالا میں سیلاب متاثرہ لوگوں کے درمیان حکومت کی ہدایت کے مطابق راحت چوبال کے تحت وزیر کنور برجیش سنگھ، ایس ڈی ایم دیوبند سنجیو کمار اور ایس ڈی ایم رامپور سنگیتا راگھو نے راشن کٹس تقسیم کیں۔اس موقع پر پردھان ستیش عرف کاکا رانا، سابق چیئرمین امرسنگھ، رویندر سنگھ، باگیش رانا، مانگے رام، سکریٹری پنکج کمار،وشال سریواستو اور ریونیو ٹیم کے ساتھ موقع پر موجود رہی۔ ایس ڈی ایم سنجیو کمار نے بتایا کہ بارش اور سیلاب سے متاثرہ لوگوں میں آٹا، دالیں، تیل، چنے، گڑ، مصالحہ وغیرہ کھانے کی اشیاء فوری طور پر تقسیم کی جا رہی ہیں۔