ایس ڈی او کی بیوی نے شوہر کو گرل فرینڈ کے ساتھ پکڑا، ہائی وولیٹج ڈرامہ کی اطلاع ملنے پر موقع پر پہنچی پولیس۔

دیوبند: سمیر چودھری۔

سہارنپور میں تعینات رہ چکے بجلی محکمہ کے ایک ایس ڈی او کو کوتوالی صدر بازار علاقے میں اس کی بیوی نے گرل فرینڈ کے ساتھ پکڑ لیا اور ہنگامہ کھڑا کر دیا،ہائی وولیٹج ڈرامہ کی اطلاع ملنے پر پولیس بھی موقع پر پہنچی لیکن بیوی نے کوئی کارروائی نہیں کی۔ ایس ڈی او سرکاری کام کے بہانے شاملی سے سہارنپور اپنی گرل فرینڈ ملنے پہنچے تھے۔

چند سال قبل سہارنپور میں تعینات ایس ڈی او اس وقت اپنے خاندان کے ساتھ شاملی میں رہتے ہیں۔ پولیس کے مطابق ایس ڈی او گزشتہ رات شاملی میں اپنے گھر سے نکلے تھے۔ ایس ڈی او نے اپنی بیوی سے کہا کہ اسے محکمہ کے کام سے باہر جانا ہے۔ اس پر اس کی بیوی کو شک ہوا۔بیوی نے ایس ڈی او کے اعلیٰ افسران کو فون کیا اور پوچھا کہ کیا اس کے شوہر کو کسی کام سے دوسرے ضلع میں بھیجا گیا ہے۔ اس پر عہدیداروں نے کہا کہ انہیں کہیں نہیں بھیجا گیا ہے۔ اس کے بعد بیوی کا شک بڑھ گیا۔ بیوی نے دوسری کار میں اپنے شوہر کا پیچھا کیا تو وہ سہارنپور کے دہلی روڈ پر پہنچ گئے۔ ایس ڈی او یہاں ایک مکان میں چلے گئے۔ کچھ دیر بعد اس کی بیوی بھی وہاں پہنچ گئی ۔بیوی نے دیکھا کہ شوہر ایک عورت کے ساتھ گھر میں موجود ہے۔ معلوم ہوا کہ یہ خاتون ایس ڈی او کی گرل فرینڈ ہے جو ایک ملازمہ ہے۔

اس پر ایس ڈی او کی بیوی نے ہنگامہ کھڑا کردیا۔کوتوالی صدر بازار کے انسپکٹر رمیش چندر نے بتایا کہ ایس ڈی او کو رات کو تھانے لایا گیا، لیکن بیوی نے کوئی کارروائی کرنے سے انکار کر دیا۔ اس کے بعد ایس ڈی او کا خلاف ورزی کی دفعہ کے تحت چالان کیا گیا ہے۔ ایس ڈی او کو بعد میں ضمانت مل گئی۔ بتایا جاتاہے کہ ایس ڈی او کا اکثر سہارنپور آنا جانا ہوتا رہتاہے۔