نئی حکومت ملک میں بھارے چارہ اور سماجی ہم آہنگی کو فروغ دے، تیسری بار وزیراعظم بننے پر قاری اسحاق گورا نے مودی کو دی مبارکباد۔

دیوبند: سمیر چودھری۔

تیسری بار وزیراعظم بننے پر نریندر مودی کو معروف عالم دین مولانا قاری اسحاق گورا نے مبارکباد پیش کی اور امید ظاہر کی کہ ان کی حکومت ملک کی خوشحالی، بھائی چارے، اور روزگار کے شعبے میں بہتر کام کرے گی۔اپنے بیان میں مولانا قاری اسحاق گورا نے وزیراعظم مودی کے تیسری بار منتخب ہونے پر اپنی نیک تمنائیں ظاہر کی ہیں۔” مولانا نے اس موقع پر ملک کے اندر بھائی چارے اور سماجی ہم آہنگی کو فروغ دینے کی امید ظاہر کی۔ ان کا ماننا ہے کہ مودی حکومت کے نئے اقدامات معاشرے کے مختلف طبقات کے درمیان تعاون اور ہم آہنگی کو بڑھانے میں مددگار ثابت ہوں گے۔ انہوں نے کہا، ہم چاہتے ہیں کہ نئی حکومت تمام مذاہب اور برادریوں کے درمیان بھائی چارے کو مضبوط کرے اور ان کے درمیان خیرسگالی اور سمجھ بڑھانے کے لئے کام کرے۔”مولانا قاری اسحاق گورا نے روزگار کے مواقع بڑھانے اور معاشی ترقی پر بھی زور دیا۔مولانا نے وزیراعظم مودی سے امید ظاہر کی کہ وہ پچھلی حکومت کے دوران شروع کی گئی مثبت منصوبوں اور پروگراموں کو مزید مو ¿ثر بنائیں گے۔ انہوں نے کہا کہ ملک میں ترقی کی رفتار کو تیز کرنے اور تمام طبقات کو اس میں شامل کرنے کے لئے حکومت کو وقف کوششیں کرنی چاہئیں۔آخر میں، مولانا قاری اسحاق گورا نے ملک کی خوشحالی اور ترقی کی دعا کی۔مولانا قاری اسحاق گور تمام برادریوں کے لئے حکومت سے مثبت تبدیلیوں کی امید ظاہر کرتے ہوئے وزیراعظم مودی کی نئی حکومت کو ملک میں اتحاد، بھائی چارے، اور ترقی کے شعبے میں کامیاب ہونے کے لئے اپنی نیک تمنائیں دی ہیں۔